E fundit!

09:40 Kronika

“Jam kushëriri…”/ Skifteri i merr 60 mijë euro kambistit, u prezantua si i afërm i një biznesmeni

Një kambist në Durrës ka humbur 60 mijë euro pasi është ma...

Ftesa e Ramës drejt Bashës/ LSI përfshihet nga paniku

8 Dhjetor 2017, 09:59, Aktualitet CNA

Dje mori fund mandati i Kryeprokurorit Adriatik Llalla, duke vënë në lëvizje, kështu të gjithë spektrin politik në Shqipëri. Kreu i Qeverisë dhe njëkohësisht kreu i partisë Socialiste Edi Rama i ka nisur 3 ftesa për një tryezë bisedimesh drejt kreut të PD-së, Lulzim Basha.

Në ftesën e Ramës drejtuar Bashës, flitet për uljen në një tryezë bisedimesh për zgjedhjen e Kryeprokurorit të ri. Rama në ftesat e përsëritura deklaronte se numrat për zgjedhjen e Kryeprokurit i ka, por do ishte e udhës që Prokurori i ri të zgjidhej me konsensus.

Nga Rama është anashkaluar plotësisht ftesa drejt opozitares tjetër Monika Kryemadhi.

Kjo gjë ka vënë në alarm partinë Lëvizja Socialiste për Integrim, e cila nuk ka vonuar me deklarata të forta të kreut të grupit parlamentar të LSI, Petrit Vasili.

Nëpërmjet rrjeteve sociale Vasili sulmonte ashpër mënyrën se si po zgjidhet

Kryeprokurori i ri dhe nga ana tjetër sulmonte edhe ambasadat kryesore në Shqipëri që mbështesnin qeverinë për zgjedhjen e Kryeprokurorit.

Edhe Kryemadhi e cila gjendet për një vizitë vizitë në SHBA, deklaronte se e vetmja zgjidhje për ngërçet institucionale është parlamenti dhe jo ulja e faktorëve politikë në tryeza bisedimesh.

Vasili shkonte deri atje saqë deklaronte se nuk mund të mbështetej nga ndërkombëtarët një qeveri e kanabizuar.

Ky panik nga radhët e LSI, sipas gazetës Sot, vjen pasi mendohet një ringjallje e marrëveshjes së 18 majit ndërmjet Bashës dhe Ramës.

Marrëveshja e 18 majit në thelb ishte ndryshimi i reformës zgjedhore me konsensusin e PD-PS, duke eliminuar partitë e vogla ku më e rrezikuar do dilte e humbur është Lëvizja Socialiste për Integrim.

Mbetet për t?u parë se si do të rrjedhin ngjarjet politike në vend, por një gjë tashmë është e sigurt se LSI është vënë në alarm nga një afrim i mundshëm PD-PS, ku me reformën e re zgjedhore LSI rrezikon jo pak, por ndoshta edhe një eliminim të saj.