web counter
LEXO PA REKLAMA!

SHKARKO APP

App Store
Google Play

E fundit!

x

Habit Ngjela/ Rama u mërzit kur fitoi 74 mandate, më shkroi...

28 Nëntor 2017, 21:37, Aktualitet CNA

“U mërzit shumë pse mori 74 vota. Kërkoi të vazhdonte me PD-në dhe nuk mundej sepse nuk e lejonin krerët e vjetër të PS-së.”, – u shpreh avokati Spartak Ngjela i ftuar në studion e emisionit “360 gradë” të Artur Zhejit.

Teksa foli për aktualitetin politik dhe komentoi zgjedhjet parlamentare të 25 qershorit, Ngjela, dikur mik i Ramës, tha se ky i fundit ishte mërzitur shumë se përse kishte fituar 74 deputetë, kjo pasi ai synonte të bashkëqeveriste me Lulzim Bashën.

Ai u shpreh më tej se kjo dashuri vjen për shkak se që të dy donin që me anë të marrëveshjes së 18 majit të prishnin reformën në drejtësi. Më tej ai tha se këtë gjë e kishte thënë që një ditë pas zgjedhjeve, nga edhe kishte marrë një reagim nga Edi Rama.

“Kur erdhi Brian Yee vendi ishte në zgribt të destabilizimit. Ai tregoi që po priste që reforma të ndalohej nga Berisha, kur e pa që nuk ndaloi nga çadra. Po të mos ishte futur PD-ja në Parlament, reforma ishte ndërprerë. Rama vet më ka thënë personalisht se më vuri një letër përpara dhe më tha një presje është kundër nesh. Në këtë momente pamë një bashkim.

Duke u nisur nga sensi diplomatik i reformës, atëherë ky gjeti rastin që të vazhdojë me marrëveshjen. Brian Yee para se të shkallmonte çadrën, shkallmoi Gruevskin në Shkup, zgjodhi kryetarin e Kuvendit shqiptar. Ky u kap për një marrëveshje.

Cili ishte aspekti i dytë i rëndë i Ramës? Pasi bëri marrëveshjen me 6 ministra, priti të mos merrte 71. U mërzit shumë pse mori 74 vota. Kërkoi të vazhdonte me PD-në dhe nuk mundej sepse nuk e lejonin krerët e vjetër të PS-së. Çfarë kërkonte ky me marrëveshje pas zgjedhore? Pse e do politikisht? Për të prishur reformën. E shkruajta që të nesërmen dhe më shkruajti mesazh Rama: Çfarë është kjo mor burrë!”, – deklaroi Ngjela. /CityNews





Lajmet e fundit nga