LEXO PA REKLAMA!

SHKARKO APP

Vasili: Qeveria ka kapur reformën në Drejtësi

24 Nëntor 2017, 18:45, Aktualitet CNA

I ftuar në Report Tv, kreu i grupit parlamentar të Lëvizjes Socialiste për Integrim, Petrit Vasili, ka komentuar pozitën e LSI përballë zgjedhjes së Prokurorit të Ri të Përgjithshëm.

Vasili ka pohuar se është Këshilli i Lartë i Drejtësisë që duhet ta zgjedhë Prokurorin, sikurse e përcakton dhe reforma, megjithse reforma tashmë është futur në një qorrsokak, e kjo për të kapur drejtësinë.

?Prokurori i ri i Përgjithshëm është një moment delikat në reformën në drejtësi pasi kjo reformë dihet tashmë që ka hyrë në një qorrsokak të madh, të qëllimshëm pasi mazhoranca i ka bërë të gjitha makinacionet për ta kapur atë. Sot Prokurori i Përgjithshëm nuk duhet të ishte një temë diskutimi pasi do të kishim Këshillin e Lartë të Prokurorisë që duhet ta zgjidhte atë, ashtu siç reforma e përcakton?, ka thënë Petrit Vasili.

Më tej Vasili është shprehur se reforma në drejtësi ka rënë për aq kohë sa KLD dhe KLP nuk janë ngritur, duke e cilësuar këtë një veprim të qëllimshëm nga ana e qeverisë për të mos e lënë drejtësinë të veprojë.

?Por reforma këtu ka rënë pasi qoftë Këshilli i Lartë i Prokurorisë, qoftë Këshilli i Lartë Gjyqësor, nuk janë ngritur. Dhe ky veprim i qëllimshëm për ta kapur drejtësinë ka bërë që të gjitha afatet kushtetuese të bien, të gjitha mekanizmat të bllokohen dhe cenohen, me qëllimin e vetëm për ta kapur. Edhe në rastin konkret është vepruar në këtë mënyrë. Është një moment i zi për drejtësinë në vend, një moment dëshpërimi të thellë, dhe një moment zhgënjimi të thellë për qytetarët të cilët ngritën pritmëri të mëdha për reformën në drejtësi?, ka thënë ndër të tjera Vasili. /CityNews

Lajmet e fundit nga