“Forca e Ligjit” nis nga Fieri/ Tre të arrestuar për vrasje dhe rrëmbime

15 Nëntor 2017, 13:29, Aktualitet CNA

Goditja e parë në kuadër të operacionit ?Forca e Ligjit? është bërë nga Fieri.

Në një dalje për mediat, Drejtorit të Drejtorisë Vendore të Policisë Fier Drejtues, Albert Nushi ka deklaruar se në kuadër të operacionit ?Grand? u arrestuan 3 shtetas, anëtarë një grupi kriminal në fushën e narkotikëve, vrasjeve dhe rrëmbimeve.

Gjithashtu policia bën të ditur se në kuadër të këtij operacioni janë sekuestruar armë e lëndë narkotike, si dhe janë arrestuar shtetasit e mëposhtëm:

Kujtim Kuçi
Bashkim Ahmeto
Dritan Tusha

Gjithashtu policia ka sekuestruar asete dhe prona të dyshuara si të krijuara nga veprimtaria kriminale e këtij grupi. Policia deklaroi se ky grup është përgjegjës për dhjetëra raste të trafikut të drogës, vrasje e rrëmbime.

Njoftimi i policisë:

Operacioni ?Forca e Ligjit? ka realizuar goditjen e parë ndaj një grupi kriminal që në skedën operacionale figuronte me aktivitet në fushën e narkotikëve, në zonën e Fierit. Janë sekuestruar armë dhe lëndë narkotike.

Në kuadër të operacionit janë ndërmarë një sërë masash tekniko?organizative e policore, për goditjen e veprimtarisë kriminale. Në fokusin e Policisë në këtë periudhë ka qenë evidentimi, identifikimi dhe goditja e aktivitetit të grupeve kriminale që operojnë ndër vite në fushën e narko-trafikut, por edhe të aseteve që keto grupe zotërojnë.

Nga strukturat policore të Drejtorisë Fier në bashkëpunim me Drejtorinë e Vlorës, Drejtorinë e Forcës së Posaçme Operacionale dhe FNSH, u finalizua operacioni policor i koduar ?Grand?, ku u arrestuan në flagrancë 3 shtetas, të skeduar si anëtarë të ketij grupi me tendenca të theksuara kriminale në fushën e narkotikëve, vrasjeve e rrëmbimit të personit:

? Kujtim Kuçi, 45 vjeç, banues në fshatin Sulaj, Fier.
? Bashkim Ahmeto (Kuçi), 43 vjeç, banues në fshatin Sulaj, Fier.
? Dritan Tusha, 47 vjeç, lindur dhe banues në Shijak.

Arrestimi i tyre u krye mbi bazën e informacioneve të siguruara në rrugë operative se dispononin lëndë narkotike. Mbi bazën e këtyre të dhënave, u ushtrua kontroll në lokalin në pronësi të shtetasit Kujtim Kuçi, në fshatin Fermë Çlirim.

Gjatë ndërhyrjes së policisë në ambientet e lokalit janë ndaluar shtetasit e mësipërm dhe pas kontrollit, shtetasit Kujtim Kuçi iu gjet dhe sekuestrua një armë zjarri e markës Glock dhe 2 krehra me fishekë.

Shtetasit Bashkim Ahmeto iu gjet dhe sekuestrua 1 pako me lëndë narkotike e dyshuar Cannabis Sativa, 1 armë zjarri pistoletë e markës Glock dhe një krëhër me fishekë.

Shtetasit Dritan Tusha iu gjet dhe sekuestrua një sasi lënde narkotike e dyshuar Cannabis Sativa.
Në përfundim të veprimeve të para hetimore janë sekuestruar në cilësinë e provës material veç armëve të zjarrit dhe drogës, edhe:

? 4 automjete, njëra e blinduar;
? 2 armë gjahu;
? 1 dedektor valësh;
? shkop gome;
? 2 thika me përmasa të ndryshme;
? 8 telefona celularë;
? 900 euro

Shtetasit e ndaluar, si anëtarë të grupit të strukturuar kriminal, dyshohet se ndër vite në bashkëpunim me njëri-tjetrin kanë trafikuar lëndë narkotike të llojit Kokainë, Heroinë dhe Cannabis Sativa, brenda dhe jashtë Shqipërisë.

Gjithashtu, ky grup kriminal që operonte kryesisht në zonën e Fierit, dyshohet se ka qënë i përfshirë në disa ngjarje të rënda si vrasje, rrëmbim personi, për të cilat po vijojnë hetimet intensivisht.

Paralelisht me hetimin penal, Policia ka nisur edhe hetim për të gjitha pasuritë që zotërojnë anëtarët e grupit, të dyshuara si produkt i pastrimit të veprës penale të kryer prej tyre.

Deri tani janë identifikuar disa prej pasurive, si:
? 1 kompleks shërbimesh në fshatin Fermë Çlirim, ku përfshihet hoteleri, restorant, pikë karburanti;
? 2 automjeje;
? 2 banesa në Tiranë dhe 1 në Golem;

Materialet i kaluan për hetime të mëtejshme Prokurorisë pranë Gjykatës së Shkallës së Parë Fier për veprat penale ?Prodhimi dhe shitja e narkotikëve?, ?Prodhimi dhe mbajtja pa leje e armëve dhe municionit luftarak?, ?Prodhimi, mbajtja, blerja apo shitja pa leje e armëve të ftohta? dhe ?Pastrimi i produkteve të veprës penale ose veprimtarisë kriminale?.

Operacioni ?Forca e Ligjit? do të vazhdoje intensivisht deri në realizimin e plotë të objektivit për shkatërrimin e të gjitha grupeve të skeduara kriminale dhe sekuestrimin e aseteve të tyre financiare./ CityNews