web counter
LEXO PA REKLAMA!

SHKARKO APP

App Store
Google Play

Konfindustria kundër projektligjit për “statusin e minatorit”

15 Nëntor 2017, 12:19, Aktualitet CNA

Konfindustria, mbështetur në shqetësimet e ardhura pranë saj nga industritë minerare më të rëndësishme të vendit, i ka kërkuar zyrtarisht Kryetarit të Kuvendit të Shqipërisë Z. Gramoz Ruci, që të ndërpritet proçedimi ligjor për miratimin e projektligjit “Për statusin e minatorit” me nismëtare një grup deputetësh.

Konfindustria, duke mbështetur parimisht përmirësimin e statusit të minatorëve, vlerëson se drafti i paraqitur në Kuvendin e Shqipërisë nga grupi i deputetëve, në tërësinë e tij është i pazbatueshëm dhe dëmton jo vetëm qëllimin e mirë të nismës, por njëkohësisht prodhon pasoja të rënda në afatgjatë për zhvillimin e industrisë minerare dhe gjithë ekonomisë kombëtare në afatgjatë.

Sipas njoftimit nga Konfindustria, përmbajtja e projektligjit:

Kompanitë minerare do të kenë një rëndim të drejtpërdrejtë kostosh prej të paktën 7 milion$/vit si dhe buxheti i shtetit më shumë se 15 milion$/vit, duke ulur ndjeshëm konkurueshmërine në tregjet ndërkombëtare të mineraleve shqiptare, duke rrezikuar deri në falimentim të sektorit dhe shtim papunësie dhe probleme sociale.

Konfindustria vlerëson, se shqetësim përbën edhe fakti, se proçedura ligjore në të cilën është kaluar miratimi i projekt ligjit në fjalë ka qenë tërësisht jo trasparent për biznesin si palë e interesuar dhe e prekur. Sa më sipër jo vetem bie ndesh me legjislacionin shqiptar, por dhe njëkohësisht përmban nje frymë populiste shqetësuese, që ka pasoja shkatërruese për cilësinë e vendimarrjes politike, duke prekur drejtpërdrejt zhvillimin ekonomik të vendit, nivelin e jetës së qytetarëve dhe vetë demokracinë shqiptare./ CityNews





Lajmet e fundit nga