E fundit!

09:24 Aktualitet

Tirana në “Top 5” e qyteteve më të papërballueshme në Evropë për blerjen e një shtëpie

Çmimet e shtëpive janë rritur shumë më shpejt se të ardhur...

Njihni Jack Liao dhe Mark Newhouse, dy agjentët e FBI-së në Shqipëri

11 Nëntor 2017, 20:25, Aktualitet CNA

Dy përfaqësuesit e Byrosë Federale amerikane kundër krimit (FBI), të ardhur në Shqipëri në kuadër të angazhimit të SHBA-së për të ndihmuar në luftën ndaj korrupsionit e krimit, por edhe terrorizmit, quhen Jack Liao dhe Mark Newhouse.

Në faqen e tij të rrjetit sociale mësohet se Jack Liao është diplomuar në fushën e Biologjisë në Iowa State University (Universitetin e Shtetit të Iowa-s), në vitet 1995-2000, një nga universitetet prestigjioze amerikane, në të cilin kanë studiuar disa nga senatorët dhe burrat e shtetit amerikanë, përfshirë zëvendëspresidentin Henri Uallës, në kohën e Presidentit Ruzvelt, apo dhe fitues të çmimit Nobel, Dan Shechtman.

Prej më shumë se gjashtëmbëdhjetë vitesh agjenti Liao punon në Departamentin e Sigurisë Publike të Shtetit të Ioas (Iowa Department of Public Safety).

Është i specializuar në luftën kundër mashtrimit financiar, trafikimit të narkotikëve, anti-terrorit, kundërzbulimit dhe çështjeve të sigurisë. Jack Liao punon si agjent special nga viti 2008 në rrethin Black Hawk County, me 132 mijë banorë, që nodhet në verilindje të shtetit të Iowa, qyteti kryesor i të cilit është Waterloo. Gjatë karrierës së tij të gjatë si agjent special i FBI-së, Jack Liao, është shquar në hetimin dhe zbardhjen e një serë ngjarjeve të komplikuara kriminale.

Mark Newhouse është agjenti i dytë special i mbritur në vendin tonë në kuadër të të njejtit mision me homologun e tij Liao. Është pjesë e Byrosë Federale që nga gushti i vitit 2004.

Sikurse agjenti Liao, dhe Mark Newhouse ka marrë pjesë dhe ka udhëhequr grupe investigimi në shumë çështje që kanë të bëjnë me kriminalitetin, trafikimin e drogës, zbulimin e autorëve të vrasjeve, si dhe rastet e dhunës në Shtetet e Bashkuara./ CityNews