web counter
LEXO PA REKLAMA!

SHKARKO APP

App Store
Google Play

E fundit!

x

OJF abuzime me miliona lekë pa bërë asgjë/ Sponsorizimet dhe fondet e aktiviteteve futen në xhepa

1 Nëntor 2017, 15:01, Aktualitet CNA

Nga Artur AJAZI

OJF-të që veprojnë në disa qytete kryesore, prej vitesh po abuzojnë me miliona lekë fonde dhe sponsorizime të marra nga institucionet e shtetit dhe kompani private biznesi, të cilat vetëm në destinacionin e premtuar nuk kanë vajtur. Në shkallë vendi ushtrojnë aktivitetin e tyre dhjetra OJF, dhe të gjithë kanë fushën e tyre të veprimit në jetën shoqërore dhe institucionale. Organizatat jo fitimprurëse, thuhet se ? janë partnerë të rëndësishëm të Shërbimit Social Shtetëror?, dhe si të tilla ato  bashkëpunojnë në mënyrë të rregullt  si me OJF të cilat mbrojnë interesat e grupeve vulnerabël që marrin shërbime nga SHSSH,  ashtu dhe me OJF-të që ofrojnë shërbime për këto grupe vulnerabël.

Gjithashtu SHSSH monitoron cilësinë e shërbimeve për të garantuar respektimin e standardeve të miratuara. Edhe pse është zgjeruar dhe rritur  roli plotësues i OJF-ve në ofrimin e shërbimeve sociale, shteti  nuk mbetet  ende faktori kryesor  për shërbimet  për  familjet dhe fëmijët në nevojë. Sistemi  aktual  ?i mbrojtjes sociale?  ofron mbështetje financiare për familjet e varfëra  (Programi i Ndihmës Ekonomike ), trajtim rezidencial për fëmijët e braktisur dhe me probleme sociale dhe lehtësira  për fëmijët me statusin e jetimit. Nga vlerësimi i shpërndarjes së shërbimeve për  fëmijë sipas shtrirjes  gjeografike, konstatohet  një përqëndrim  i madh i OJF-ve, qendrave, dhe shërbimeve të ndryshme për fëmijë kryesisht në Qarkun e Tiranës, Shkodrës dhe  Elbasanit.

Në qytetin e Elbasanit dhe në Durrës, në 2 vitet e fundit është rritur me 3 herë numri fëmijëve që janë braktisur  nga prindërit e tyre, shumica romë, dhe që sot gjenden  akoma pa rrugëzgjidhje në fatin e tyre.  Në këto dy qytete,  kanë  aktivitetin e tyre dhjetra përfaqësi të OJF, të cilët pavarsisht se deklarohen ?të pavarur dhe jo fitimprurës?, kanë goxha  lidhje të forta me institucionet e shtetit , dhe thithin  goxha para për aktivitetet e tyre . Mjafton të përmendim faktin se psh në Elbasan nga  statistikat  rezulton se pjesa më e madhe e fëmijëve janë të braktisur dhe vijnë nga familje me probleme social ? ekonomike kryesisht nga  qyteti dhe fshatrat.

Në Shqipëri  rrjeti i Institucioneve ?Rezidenciale Publike të Përkujdesit për Fëmijet? përbëhet nga 9 institucione publike dhe 13  qendra rezidenciale jopublike. Partnerë  të OJF janë ministritë, por edhe drejtoritë e Punësimit, Instituti Sigurimeve Shoqerore, Komisariatet e Policisë. OJF në projektet e tyre thuhet se ? kanë shumë prioritete, duke nisur nga ndihma e shtresave në nevojë, fëmijët dhe gratë e braktisura, ndihma ndaj të moshuarve, ndihma  ndaj fatkeqësive natyrore, apo njohja e kompetencave të Avokatit të Popullit, njohja me kompetencat dhe detyrimet e  Prefektit dhe kryetarit  të Qarkut, drejtorit të Policisë Qarkut, ?, si  dhe aktivitetet e ndryshme për  ?të drejtat e njeriut? të cilat padyshim bëhen duke siguruar  vlera financiare.

Çdo prezantim,  çdo takim, çdo promovim, çdo sensibilizim, çdo interesim, çdo  fushatë e mbledhjes  së ndihmave, çdo nismë juridike për  tu ardhur në ndihmë shtresave në nevojë, çdo kundërshti  politike, kushtetuese, qeveritare, nuk  bëhet  falas, por  vetëm duke e patur ?xhepin plot me para?. Por asnjëherë nuk është bërë transparent fakti  i financimeve  të OJF, asnjëherë nuk dihet  (ose dihet fare pak) destinacioni  parave me të cilat ata realizojnë aktivitetet dhe sjellin  apo dërgojnë ndihmat e tyre, hapin qendrat e tyre të rehabilitimit, apo vendosin bashkëpunimin  ligjor me institucionet e shtetit.

Burime të sigurta i thanë ? CityNews.al? se ?vetëm në vitin 2317 përfaqësues të disa OJF  në Durrës dhe Elbasan, kanë marrë nën pretekstin e ?aktiviteteve jo politike?, apo ?ndihmave për  shtresat  në nevojë?  rreth 150 milion lekë, nga institucionet e shtetit  dhe kompani private në rrugë të ndryshme. Madje nga  këto  të fundit , milionat janë  marrë edhe me ndërhyrjen  e ndonjë politikani  nga Tirana?. Mjafton të përmendim faktin se ?nga  se deri në vitin 2013, OJF  në Shqipëri  kanë  përfituar  rreth  5 milionë euro nga donatorë të huaj  vetëm për  romët.  Këto  para duhet  të shfrytëzoheshin  për   integrimin e tyre në shoqëri.

Në Elbasan numërohen  të paktën  800 familje ku  500 prej tyre janë përqendruar në lagjen ?5 maji? në vendin e quajtur Rrapishtë. Ato edhe sot e kësaj dite jetojnë si në mesjetë, të grumbulluar  në kope si bagëtia, pa kushte jetese. Transparenca e parave të OJF gjithmonë ka qenë ?molla e sherrit? edhe për kampet politike./ CityNews





Lajmet e fundit nga