web counter
LEXO PA REKLAMA!

SHKARKO APP

App Store
Google Play

Ylli Dylgjeri: Shqipëria po kalon në check up...

31 Tetor 2017, 15:38, Aktualitet CNA

Gazetari Ylli Dylgjeri ka reaguar pas fillimit të punës së institucioneve të Vetingut.

Me anë të një postimi në rrjetet sociale, Dylgjeri shprehet se “Shqipëria po kalon në Check up”, dhe se duke qenë se shqiptarët gënjejnë pa fund aparati i së vërtetës dhe sinqeritet që do të sillet nga FBI-ja, pritet të jepet me koncesion.

“Muaji Nëndor pritet të jetë muaji i kontrollit total të shqiptareve. Veç Check up-it shëndetsor si mbulim madhor, gjate këtij muaji do të hyjë në veprim nga Institucioni më i ri i Vettingut edhe aparati i Makinës së të Vërtetës. Ky aparat që do të kontrollojë trupën e drejtësisë etj., shumë shpejt pritet të bëhet familjar.

Shqiptarët gënjejnë pa fund, e kohë e pa kohë. Ndaj ky aparat mund të shtrihet edhe në sektorë të tjerë. Kërkesat për transparencë janë të mëdha, sa gojët e liga thonë se edhe ky aparat mund të “jepet me konçesion” !!! Problemi i vetëm qëndron se sa do ti mbajnë linjat elektrike këto aparatura moderne në kushtet e thatësires dhe të pavërtetave të mëdha që do vërshojnë në publik…
Por check- up-i nuk përfundojnë këtu”, – shkruan Dylgjeri.

Më tej ai shkruan se “Monitorimet nga ajri dhe toka, për parandalimin e kultivimit të drogave eshtë një Check- Up tjetër i territorit të vendin. Për të vijuar me kontrollin antidobing të ekipit të peshëngritjes në kuadër të përgatitjeve për kampionatin botëror që vjen së shpejti. S’duhet harruar se në garat e kaluara treguam se edhe në këtë sport nuk hymë esëll.

Kontrollet më tej do bëhen edhe në nivele të ndryshme të administratës publike, kontrollet ushqimore te AKU-s, apo për matësat e ujit të pishëm. Këtu nuk kemi parashikuar kontrollet rutinë në qarkullim, hotele, motele, bordelle etj. Pra nëndori është muaji i Check-Up-it.

Kontrollet vazhdojnë.”, – përfundon Dylgjeri. /CityNews





Lajmet e fundit nga