E fundit!

12:40 Politikë

"Projektligjet e kapitullit 17 të shtyhen për seancën e 23 korrikut"/ Propozimi i Ballës kundërshtohet nga opozita

Kreu i Grupit Parlamentar të PS, Taulat Balla propozoi që ...

Gazetarja e njohur fiton gjyqin ndaj Erion Veliajt

25 Tetor 2017, 13:04, Aktualitet CNA

Gazetarja e njohur Alida Tota, e cila pretendoi se ishte larguar nga puna pas presioneve të ushtruara nga ana e kryebashkiakut Erion Veliaj ka fituar pjeswrisht gjyqin me administratorin e A1 News, një televizion i mbyllur për shkak të financimeve, ka fituar pjesërisht gjyqin.

Shkarkimi nga puna i gazetares Tota, u bë në muajin gusht të vitit 2016, pasi po investigonte ngjarjen tragjike të humbjes së jetës, së 17-vjeçarit Ardit Gjoklaj, në landfillin e Sharrës.

Gazetarja Tota pretendoi se vendimi për ndëprerjen e marrëdhënieve të saj të punës është marrë pas presioneve të ushtruara nga ana e kryebashkiakut Erion Veliaj.

Në gjyqin kundër censurës, Alida Tota fitoi pjesërish integritetin përballë pronarëve të mediave, pasi Gjykata e Shkallës së Parë, pranoi detyrimin financiar ndaj gazetares Tota, por nuk pranoi faktin ajo ishte ishte shkarkuar pa ndonjë shkak të arsyeshëm.

Avokati i gazetares, Ledio Braho (në foto), shprehet se gjyqi kishte presion jo të vogël, kjo dhe për shkak të manipulimeve, fshehjeve dhe falsikimet që bëjnë pronarët e mediave. Nga dokumentat e paraqitura në gjykatën, administratori i A1 News, përveç çensurës ndaj lirisë së fjalës, ka kryer falsikifime edhe me pagat e gazetarëve. Në rastin konkret, gazetarja Alida Tota paraqiti në seancë gjyqësore një vërtetim për pagën e saj reale prej 100 mijë lekësh të reja, ndërsa në Sigurimet Shoqërore, ishin derdhur për pagën prej 22 mijë lekësh të reja.

Evazion i tillë fiskal, është një marifet i përdorur shpesh në media. Gazetarët të cilët denoncojnë me mijëra shkelje, shpesh mbyllin njërin sy për të drejtat e tyre, për mënyrën sesi paguhen por edhe për censurën në lirinë e shprehjes.

Gjykata e Shkallës së Parë, çmoi se gazetarja Alida Tota, nuk është paguar plotësisht si Drejtore e A1 News, përgjatë kohës së punës. Për këtë vendosi që A1 News, të shlyej detyrimin prej 613,828 lekësh (të reja) ndaj gazetares Alida Tota.

Por Gjykata, e drejtuar nga Anila Karanxha, cedoi në dhënien e së drejtës së ?shkarkimit pa motivacion? të gazetares Alida Tota. Raportit i Departamentit Amerikan të Shtetit, i bërë publik në seancën gjyqësore, dënonte fuqimisht shkarkimin nga puna, pa motivacion, të gazetares Alida Tota. Sipas raportit, shkak është bërë investigimi ndaj Bashkisë së Tiranës dhe presioni i ushtruar nga administratori i A1 News, Neritan Gjojdeshi.

Këshilli i Europës si dhe Komiteti i Helsnikit, janë dy institucione të tjera që kanë ngritur shqetësimin për shkarkimin e Alida Totës. Megjithatë gjyqtarja Karanxha, është shprehur çuditërisht, se këto qëndrime të këtyre institucioneve ndërkombëtare, kanë ardhur si pasojë e denoncimit të gazetares Alida Tota. Pra, me pak fjalë, gazetarja Tota ka ?ndikuar? në hartimin e raporteve ndërkombëtare për Shqipërinë.

Të drejtat e gazetarëve, duket se janë ende një sfidë qoftë për drejtësinë, qoftë edhe për median e lirë./ CityNews