Dritan Kaba kundër gazetarit Andi Bejtja / Ja pse nuk duhet bojkotuar Rama

25 Tetor 2017, 16:19, Aktualitet CNA

Ish-këshilltari i Ilir Metës në Lëvizjen Socialiste për Integrim, Dritan Kaba, ka reaguar pas thirrjes së gazetarit dhe analistit Andi Bejtja, për të bojkotuar kryeministrin Edi Rama, pas fyerjeve dhe denigrimit të gazetarëve.

Me anë të një postimi në rrjetet sociale, Kaba shprehet se është kundër bojkotit të Ramës, pasi në këto momente ai ka dalë nga rrjedha logjike dhe ka humbur tërësisht kontrollin.

“JAM KUNDER BOJKOTIT TE RAMES!
Pikerisht keto dite qe ate nuk e mbajne nervat nuk duhet bojkotuar
Po e bojkotoni ne nje dite qe ai nuk ka argument per te mbrojtur vendimin e tij politik, ne mbrojtje te krimit te organizuar.”, -shprehet ndër të tjera Kaba, ku rrjeshton një sërë argumentesh përse nuk duhet bojkotuar Rama në këto momente.

Në përmbyllje të shkrimit të tij, Kaba lutet që Rama të mos bojkotohet, por të kërkohet pavarësi në punën e gazetarit dhe të vijohet me pyetje, pasi ai vetë nuk ka çfarë të thotë. /CityNews

Postimi i Dritan Kabës:

JAM KUNDER BOJKOTIT TE RAMES!
Pikerisht keto dite qe ate nuk e mbajne nervat nuk duhet bojkotuar
Po e bojkotoni ne nje dite qe ai nuk ka argument per te mbrojtur vendimin e tij politik, ne mbrojtje te krimit te organizuar.
Doni ta bojkotoni, tani kur ai ka humbur logjiken nga vazhdimesia e fashikujve qe vijne.
Doni ta bojkotoni, pikerisht tani, kur e ka kapur makthi e frika e asaj qe do te ndodhe, pa dijenine e tij.
Doni ta bojkotoni, tamam ne kete kohe, kur ai eshte me keq se kurre.
Doni ta bojkotoni, pikerisht tani, kur e ka zene pasiguria e asaj qe do sjelle e nesermja.
Doni ta bojhkotoni, pikerisht tani, kur ortaket e tjetersimit te votes ne 25 qershor, nuk e lene te qete duke i kerkuar haraçin e karikes se pushtetit qe i dhane.
Doni ta bojkotoni, pikerisht ne kete çast, kur ai do te rrije ta kaloje hallin qe e ka zene me veten e tij dhe te ndonje ndihme “anesore”.
Ju lutem mos e bojkotoni!
Shqiptaret duhet ta shohin ashtu si eshte, pikerisht tani!
Ju lutem mos e bojkotoni, por kerkoni pavaresi ne punen tuaj!
Ju lutem mos e bojkotoni, por vazhdoni ta pyesni!
Ju lutem mos e bojkotoni, se ai vete nuk do vete te flase me, se nuk ka çfare te thote!