Një grup antiRama në PS

27 Shtator 2017, 17:06, Aktualitet CNA

Elvi FUNDO

Formimi i qeverisë të re, la me kokën mënjanë disa një njerëzit më besnikë të Edi Ramës.

Gjatë kohës së çadrës ata u larguan nga postet ministrore, por u angazhuan fortë në zgjedhje dhe kryesuan lista qarqesh. Kjo nuk mjaftoi që të ishin sërish ministra dhe pjesë e kabinetit të Edi Ramës edhe pse morrën rezultate spektakolare.

Por përveç disa emrave që ishin ministra si Saimir Tahiri apo Ilir Beqaj, është edhe një tjetër emër, Erjon Braçë. Ky i fundit ishte një tjetër pretendent për një post ministror, me një kontribut të madh historik në PS, Braçe u la jashtë kabinetit megjithse u përfol për Ministër Bujqësie.

Këta janë të paktën tre emrat më qejf mbetur në PS që kanë dalë në publik.

Saimir Tahiri mori një rol ?kyç?, i quajtur nga Edi Rama, koordinator kombëtar, që në fakt ka çelsat e kashtës. Tahiri mërzinë e tij me Ramën e shfaqi që në seancën e parë parlamentare, por edhe në mbledhjet e grupit të PS, mësohet se ai ka mbajtur qëndrime të ndryshme nga kryeministri dhe linja zyrtare. Së fundi u bë publik edhe kundërshtimi i tij për shkurtimet në administratën e strukturës së Vettingut në drejtësi.

Braçe duket i tërhequr në debate, ai thjesht ka drejtuar komisionin e ekonomisë në heshtje të plotë. ?Zevzeku? dhe ?grindaveci? i përplasjeve të ashpra në komisione dhe parlament nuk po dëgjohet më. Ai shkruan në rrjetet sociale për punët e tij në zonën elektorale të Divjakës. Por inati i Braçes nuk del me kaq, zëra mediatikë thonë se ai përdor një portal i cili ka qenë i ashpër kundër Berishës, tashme është në sulm dhe kritika ndaj qeverisë.

I treti është Ilir Beqaj, ky i fundit nuk dihet as ku është ?zhdukur? politikisht. Asnjë post, asnjë pozicion, një nga njerzit më luftëtarë në opozitën e Ramës dhe ministrat më të akuzuar në qeverinë Rama 1, tani mund të quhet i hedhur tej.

Këta janë tre personazhe jo pa peshë në Partinë Socialiste, por asnjëri prej tyre nuk duket të udhëheqë ndonjë grupim antiRama apo linjë të fortë kritike ndaj kryeministrit. Janë qejfmbetur, janë të ngushta të ashpër me Ramën në tavolina, por në finale ngelen në llogoren e PS-së. Ata e kuptojnë që Edi Rama është në kulmin e tij politik, tani çdo përballje me të do ishte një humbje e pashmangshme ose dalje përfundimtare nga politika. Ben Blushi ishte një shembull që socialistët e panë të gjithë, dhe as Tahiri, Braçe apo ndonjë tjetër nuk mund të bëjnë betejën e Blushit, për më tepër tani ata duhet të presin kur Edi Ramës ti vijë qejfi për ta, dhe po si erdhi kurrë ata kurrë nuk do jenë më ministra. Thjesht do ngelen kritikët e tavolinave.