Lulzim Basha mbron deputetët e shitur/ S’ka komision për votimin e Gramoz Ruçit

23 Shtator 2017, 14:32, Aktualitet CNA

Po bëhen 3 javë kur Gramoz Ruçi u zgjodh me 80 vota pro kryetar i kuvendit të Shqipërisë. Detyrë në të cilën e propozoi Partia Socialiste si fituese e vetme e zgjedhjeve të 25 qershorit me 74 mandate.

Zgjedhja e Gramoz Ruçit u shoqërua edhe më nje skandal politik. Ai mundi të siguronte 80 vota, një votë e pavlefshme e con në 81 nnumrin e personave që kanë mbështetur Ruçin kur PS kishte vetëm 74 mandate dhe LSI bojkotoi votimin. Në fakt nga ky numër te paktën 2 ose 3 prej tyre kanë votuar kundër sipas informacioneve që dolën menjëherë pas votimit.

Ndërkohë në PD plasi skandali se kush nga dy deputetët e saj kishte votuar pro Ruçit, kryeministri Edi Rama kërkonte se cilët ishin 3 deputetët socialistë që kishin votuar kundër Gramozit. Në qarqet mediatike pati aludime për Erjon Braçen, Saimir Tahirin, Ilir Beqen etj. Por zhurma e socialistëve nuk u ndje në opinion pasi në PD plasi skandali.

Lulzim Basha menjëherë nxori disa nga deputetët e tij të rinj të flisnin për manipulim. Me ?shpatë? në dorë të urdhëruar nga zyra e shtypit e familjes së Bashës, Ervin Salianji, Grida Duma folën për manipulim, u pasuan nga Strazimiri dhe Tritan Shehu. Të katërt dolën flluska sapuni. Jo vetëm kaq, por u përballën edhe me liderin e tyre historik i cili i detyroi të tërhiqeshin nga deklaratat ?idiote? për manipulim, pasi deputetët ishin shitur.

Në PD sipas një llogarie të thjeshte janë minimalisht 5 deputetë të shitur tek Rama brenda grupit parlamentar, por Lulzim Basha ska bërë asnjë hetim dhe nuk mban asnjë qëndrim. Halli i tij i madh është se kush përgjoi mbledhjen e kryesisë dy ditë më parë.

Në fakt rregjistrimet e mbledhjes së kryesisë të PD dolën nga njerzit afër Bashës, ndërsa deputetët e Bashës me kohë e kishin votuar Ruçin. Për këtë të fundit kaluan 3 javë dhe ende ska asnjë shqetësim nga Basha. Ai kërkoi që këtë skandal ta kishte si zhurmë për tu harruar humbja e 25 qershorit dhe manipulimi i votave në 22 korrik, proces ku votuan 15 deri 20 mijë demokratë dhe Basha tha 60 mijë.

Në rast se kreu i PD do shqetësohej për manipulimin dhe shitjen e deputetëve ai shumë kollaj mund të ngrinte një komision hetimor parlamentar. Kuvendi ka kamera në disa pozicione dhe me një investigim serioz 5 delfinët e Lulit do mësoheshin menjëherë, por kjo nuk ka ndodhur ende.

Lulzim Basha kërkon ta kalojë skandalin e deputetëve të tij, të cilët ose janë shitur ose i ka urdhëruar Luli. Për sa kohë ska hetim dhe nuk dalin emrat e përgjegjësve, Basha thjesht dhe vetëm i mbron duke marrë edhe përgjegjësinë se mund të jetë ai urdhëruesi i tyre.

Komision për deputetët që votuan Ruçin ende ska, hetim dhe përjashtim nga grupi ska, ka shqetësim se kush rregjistroi mbledhjen e kryesisë. Kjo e fundit është më e parëndësishmja. Kur i tradhëton njerëzit ata të braktisin dhe Lulit kështu i ndodhi në kryesi, kurse rasti i Ruçit është ndryshe. Basha ka vendosur në lista deputetë që kanë paguar për mandatin e deputetit dhe ata skanë asnjë detyrim ndaj tij, pa analizuar edhe faktin se ai mund të jetë vetë urdhëruesi për ti qëndruar marrëveshjes me Ramën.

Jemi përballë faktit ku deputetët e PD që votuan Gramoz Ruçin po mbrohen nga Lulzim Basha i cili është vëtë përgjegjësi kryesor./Citynews.al