E fundit!

10:31 Aktualitet

"Meta" shfaq probleme/ Përdoruesit e "Facebook" dhe "Instagram" vështirësi në aksesimin e llogarive

Platforma “Meta” ka shfaqur probleme. Qindra mijëra përdor...

Berisha: Një rekord tjetër i zi për Shqipërinë e Noriegës

23 Shtator 2017, 11:33, Aktualitet CNA

Nëpërmjet një statusi në rrjetet sociale, ish-kryeministri Sali Berisha ka reaguar në lidhje me raportin e organizatës prestigjoze amerikane të studimit të opinioneve “Pew Global”, për azilkërkuesit. Në raportin e saj kjo organizatë sërish rendiste Shqipërinë në krye të listës. Ish-kryeministri Berisha thekson se shqiptarët renditeshin të parët si më të padëshirueshmit në vendet e Europës dhe se shkaku themelor është rritja dy vitet e fundit e kriminalitetit shqiptar.

Statusi i plotë i ish-kryeministrit Berisha:

?Një rekord tjetër i zi për Shqipërine e Noriegës!

Shqiptarët më të padëshirueshmit në Europë nga të gjithë azilkerkuesit e botës!
Të dashur miq, organizata prestigjoze amerikane e studimit të opinioneve “Pew Global”, në studimin e saj ka gjetur se midis të gjithë azilkërkuesve nga mbare bota, shqiptarët renditeshin të parët si më të padeshirueshmit në vendet e Europës. Shkaku themelor është rritja dy vitet e fundit e kriminalitetit shqiptar deri në 7 here si në Hollande dhe vende të tjera.

Kjo është vepra dhe rekordi i fundit i Norieges dhe narkoshtetit të tij! Sb?

Raporti i “Pew Global”
09:47, 23/09/2017

Më shumë se 1.1 milion njerëz nga 2.2 milionë të cilët kanë paraqitur një kërkesë për azil në BE, Norvegji dhe Zvicër ende nuk e dinë nëse aplikimi i tyre do të pranohet. Një sondazh i kompanisë amerikane “Peë Research”, thekson se aplikantët nga Shqipëria kryesojnë listën e azilkërkuesve me nivelin më të lartë të përgjigjeve të pakthyera.
Kështu rreth 89% e aplikantëve shqiptarë ose 75 mijë nga 80 mijë që kanë aplikuar midis 2015 dhe 2016 janë duke pritur të njohin statusin e tyre në Europë në fund të vitit 2016. Këtë e përforcon edhe fakti se në vend të dytë renditet aplikantët nga Kosova ku nga 65 mijë aplikimie 50 mijë janë ende në pritje të një përgjigje.
Më pas renditen vende si Aganistani, Irani, Serbia, Rusia. Fqinjët tanë serbët kanë dorëzuar 200 mijë kërkesa për azil, 50 mijë nga të cilat kanë marrë një përgjigje. “Pew Research” vlerëson se rreth 100,000 njerëz, të cilëve u është refuzuar kërkesa, kanë ikur diku në Evropë ku jetojnë në mënyrë të paligjshme.
Së fundmi autoriteteve shqiptare u është përcjellë shqetësimi nga disa vende europiane për të frenuar fluksin e azilkërkuesve që mbetet ende i lartë. Edhe Komisioneri i Zgjerimit Johannes Hahn e bëri të qartë gjatë takimit rajonal të kryeministrave të rajonit që u mbajt në Durrës se shqiptarët nuk duhet as ta mendojnë azilin.

Për azilkërkuesit nga disa vende, pjesa që është duke pritur përgjigjen është shumë më e lartë se ajo që është miratuar, sipas vlerësimeve të reja. Peë konsideron se kjo është vala më e madhe e azilkërkuesve që ka përjetuar kontinenti që nga Lufta e Dytë Botërore.
respublica/http://www.pewglobal.org/?/a-million-asylum-seekers-await-w?…/ CityNews