web counter
LEXO PA REKLAMA!

SHKARKO APP

App Store
Google Play

E fundit!

x

PD protestë kundër Ruçit?!/Paskal Milo flet prerë: Artificiale!

6 Shtator 2017, 16:45, Aktualitet CNA

Kreu i Partisë Demokracia Sociale, Paskal Milo, e cilëson të habitshme dhe artificiale protestën e parashikuar për t?u mbajtur në seancën e parë plenare të këtij sesioni parlamentar, kundër zgjedhjes së Gramoz Ruçit në krye të këtij institucioni. Në rubrikën ?Opinion? në ?News24?, Milo tha se Ruçi është një figurë me përvojë në jetën parlamentare shqiptare.

?Më duket e habitshme dhe artificiale, nuk më ngjan se është në taban ky veprim opozitar për të kontestuar zgjedhjen e një njeriu me kaq përvojë parlamentare. Kush mund të vijë në krye të parlamentit shqiptar, nëse nuk do jetë një person me një përvojë të tillë? Duket e rëndomtë kjo lloj proteste ndaj zgjedhjes së Ruçit në postin e kryetarit të Kuvendit të Shqipërisë?, u shpreh Milo.

Sa i takon rolit të opozitës në sesion e ri parlamentar, Milo tha se është me rëndësi që të respektohet institucioni i Parlamentit, dhe të mos kthehet në një arenë akuzash e përplasjesh, siç ndodhi në 4 vitet që lamë pas. Ai tha se pritet që në 4 vitet e ardhshme të kemi një opozitë të fortë, dhe që të japë ide konstruktive.

?Mendoj se do të ketë një opozitë të fortë. PD dhe LSI besoj se do të përpiqen të bëjnë një opozitë të fortë, secili me tezat e tij. Por fortësia dhe agresiviteti i opozitës në Parlament, duhet të përqendrohet më tepër në paraqitjen e alternativave ndaj projekteve të qeverisë, dhe jo të shndërrohet Parlamenti në një arenë akuzash e përplasjesh, siç ndodhi në 4 vitet që lamë pas. Nëse do ketë një sjellje të opozitës si ajo e 4 viteve që shkuan, do të thosha se Parlamenti nuk do të jetë në lartësinë e duhur, si ajo që kërkon dhe pret populli shqiptar. Duhet respektuar institucioni i Parlamentit. Opozita duhet të japë ide konstruktive?, u shpreh Paskal Milo.

Duke komentuar zgjedhjen e Ilir Metës në postin e Presidentit, kreu i PDS tha se e sheh figurën e tij të duhurën për këtë post. Sakaq, ai tha se LSI nën drejtimin e Monika Kryemadhit do të bëjë një opozitë të fortë.

?Meta pranoi detyrën e Kryetarit të Shtetit, një detyrë e nderuar dhe shumë e lartë. Besoj se ai i ka të gjitha aftësitë për ta kryer sa më mirë dhe në mënyrën më efikase këtë detyrë. Nga ana tjetër, Kryemadhi është me përvojë në politike, dhe besoj se ka një ekip të përgatitur. Mendoj se do të ketë një drejtim kolektiv të LSI, dhe besoj se do të vazhdojë të qëndrojë si një alternativë e fortë përballë dy alternativave më të mëdha në jetën politike shqiptare. Drejtimi i LSI i nga një grua me kapacitete dhe përvojë besoj se do t?i japë LSI një dimension dhe rol të ri në opozitën që ajo do të ushtrojë?, u shpreh kreu i PDS.

Sakaq, Milo tha se nga qeveria e 4 viteve të ardhshme pret që të mbahen premtimet që Rama u ka bërë shqiptarëve në mandatin e parë, duke shtruar se ?në fushatën e 2017 nuk pamë premtime të mirëfillta për punësimin apo politikat sociale?.





Lajmet e fundit nga