E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

11 mln lekë dëm shtetit/ KLSH kallëzon 2 ish- drejtorë të Prefekturës së Lezhës

8 Gusht 2017, 11:05, Aktualitet CNA

Kontrolli i Lartë i Shtetit ka kallëzuar në Prokurori 2 ish- drejtorë dhe 2 specialist në Prefekturën e Lezhës.

Bëhet e ditur se ata i kanë shkaktuar një dëm prej 11 milion lekësh shtetit.

KLSH ka kryer pranë Prokurorisë së Rrethit Gjyqësor Lezhë një kallëzim penal, konkretisht ndaj B.Z. dhe A.P. me detyrë ish-Drejtorë të Komisionit Vendor dhe R.N. e E.G. me detyrë ish specialistë në Komisionin Vendor.

Nëpërmjet një deklarate për shtyp, KLSH bën të ditur se pas auditimit që i është bërë Prefekturës së Lezhës nga 1 janar 2013 deri më 31 dhjetor 2016 janë konstatuar shkelje dhe parregullsi në fushën e trajtimit të vlefshmërisë dhe ligjshmërisë të titujve të pronësisë mbi tokën bujqësore.

4 zyrtarët akuzohen se kanë ndarë toka bujqësore më shumë se norma për frymë, nuk kanë liruar dhe nuk e kanë kaluar në pronësi e posedim të Shtetit tokën bujqësore nga personat të cilët e përdorin në mënyrë të paligjshme dhe mos ushtrim i kontrolleve të drejtpërdrejta, me nismën e vet, për tokat bujqësore të ish-Ndërmarrjeve Bujqësore dhe zonat me përparësi zhvillimin e turizmit për Qarkun e Lezhës.

Konkretisht: Në 20 raste për sipërfaqen 186842 m2 nuk kanë kryer kallëzim penal në organet e drejtësisë, ndaj komisioneve të ndarjes tokës në fshat, të cilat ka tejkaluar kompetencat ligjore, duke ndarë tokë bujqësore më shumë se norma për frymë, me pasojë dëmtimin e rëndë të interesave të Shtetit;

Në 8 raste për sipërfaqen 46046 m2 nuk kanë liruar dhe nuk e kanë kaluar në pronësi e posedim të Shtetit tokën bujqësore nga personat të cilët e përdorin në mënyrë të paligjshme;

Në 6 raste për sipërfaqen 119825 m2 të rikonfirmimit të AMTP edhe pse përfituesit nuk kanë qenë banor në ish-kooperativën bujqësore me datë 01.08.1991, apo pa qenë punonjës në ish-NB me datë 01.10.1992, duke marrë vendime të pa mbështetur në prova dhe në ligj dhe në tejkalim të kompetencave ligjore, me pasojë dëmtimin e interesave të shtetit;

Në 6 raste për sipërfaqen 22362 m2, me zë kadastral ?PF?, tokë e cila nuk ka qenë objekt trajtimi nga ligji nr. 7501, datë 19.07.1991 ?Për tokën?, nga Komisioni Vendor nuk është vepruar me kalimin në pronësi e posedim të Shtetit të tokës nga personat të cilët e përdorin në mënyrë të paligjshme;

Në 9 raste për sipërfaqen 1750 m2, me zë kadastral ?Truall?, tokë e cila nuk ka qenë objekt trajtimi nga ligji për tokën, nga Komisioni Vendor nuk është vepruar me kalimin në pronësi e posedim të Shtetit të tokës nga personat të cilët e përdorin në mënyrë të paligjshme.

Në kundërshtim me ligjin nr. 9948, datë 07.07.2008 ?Për shqyrtimin e vlefshmërisë ligjore të krijimit të titujve të pronësisë mbi tokën bujqësore?, të ndryshuar, me VKM nr. 1269, datë 17.09.2008 ?Për përbërjen, mënyrën e funksionimit dhe detyrat e përgjegjësitë e strukturave shtetërore, të ngarkuara për shqyrtimin e vlefshmërisë ligjore të krijimit të titujve të pronësisë mbi tokën bujqësore?, të ndryshuar, me VKM nr. 224, datë 19.02.2009 ?Për procedurat e krijimit të Akteve të marrjes së tokës bujqësore në pronësi, si pasojë e korrigjimeve të kryera nga Komisioni Vendorë i Vlerësimit të Titujve të Pronësisë?, me ligjin nr. 8485, datë 12.05.1999 ?Kodi i Procedurave Administrative të Republikës së Shqipërisë?, të ndryshuar.

Për këto shkelje dhe për të tjera, KLSH ka kryer pranë Prokurorisë së Rrethit Gjyqësor Lezhë, me shkresën me nr. 259/22 datë 08.07.2017 kallëzim penal ndaj B.Z. dhe A.P. me detyrë ish-Drejtorë të Komisionit Vendor dhe R.N. e E.G. me detyrë ish specialistë në Komisionin Vendor, për konsumimin e elementëve të figurës së veprave penale të ?Shpërdorimit të detyrës? parashikuar nga neni 248 i Kodit Penal./CityNews