web counter
LEXO PA REKLAMA!

SHKARKO APP

App Store
Google Play

E fundit!

x

Dy sms-të që dëshmojnë përfshirjen e presidentit Meta në aferën CEZ

2 Gusht 2017, 11:26, Aktualitet CNA

Në një intervistë ekskluzive bashkëshortja e biznesmenit të burgosur Kastriot Ismailaj, ka hedhur sërish akuza në adresë të presidentin të ri të vendit, Ilir Meta, lidhur me përfshirjen e tij në aferën CEZ dhe përfitimet prej miliona eurosh që kërkoi prej tij.

Vojsava Ismailaj, e intervistuar eksluzivisht për ?Pamfleti.com?,ndër të tjera ka thenë se Ilir Meta ka qënë i interesuar që t?a bllokonte zbardhjen e aferës CEZ? dhe për këtë ka lëvizur të gjithë gurët.

Ismailaj jep edhe detaje të hollësishme se si Presidenti është munduar të përfitojë nga lidhjet e Ismailajt në Pragë. Njëherësh ajo thotë se ishte pikërisht Ilir Meta që bëri të mundur uljen e çmimit të energjisë për CEZ, por dhe i kërkoi bashkëshortit të saj, Kastriot Ismailaj që ta ?gjobisnin? kompaninë çeke të energjisë, pasi me këtë ulje kishte përfituar miliona euro. Në mënyrë të drejtëpërdrejtë, për këtë nder që ish-ministri i Jashtëm, njëherësh dhe zv. kryeministri i qeverisë PD-LSI, Ilir Meta, kishte bërë për CEZ, kërkonte miliona euro prej kompanisë çeke.

Në mbështetje të këtij fakti Vojsava thotë se disponon sms-të e komunikimit të tij me Kastriotin, sikurse ka të tilla sms komunikimi për të mbështetur akuzën tjetër në adresë të Ilir Metës, të cilin e akuzon se ka kërkuar para për fushatën elektorale. Është kjo arësyeja që Vojsava Ismailajt shprehet se për të gjitha këto detaje që po zbardhen një nga një, është ndjerë e kërcënuar bashkë me familjen. Ka marë kërcënime direkt dhe indirekte me marje jete, vetëm e vetëm që të mbyllej arbitrazhi për DIA-n dhe CEZ. Pasi të implikuarit, me në krye Metën, po shikonin se në çdo seancë po dilnin detaje të reja.

??Ka patur direkt dhe indirekt kërcënime. Persona të njohur të mi dhe të Kastriotit, më kanë thënë: Kastrioti të tërhiqet nga Arbitrazhi që të lirohet. Ky është kërcënimi që ka ardhur në mënyrë indirekt. Direkt më kanë kërcënuar persona të panjohur për jetën time dhe të djalit tim, më kanë ndjekur dhe ruajtur gjatë gjithë kohës persona të ndryshëm, kudo ku unë shkoja, para shtëpisë etj.?, ka artikuluar Vojsava Ismailaj. Në vijim të pyetjes për të identifikuar me emër ndonjë nga personat me peshë që ndërhynë për të mos e lenë hetimin e thellë të aferës CEZ, Vojsava thotë:

?Mund të përmend Presidentin e sapo emëruar të Shqipërisë, zotin Ilir Meta, i cili ishte një ndër personat e interesuar drejtëpërdrejtë që zhurma rreth të ashtuquajturës ?afera CEZ? në Shqipëri, të shuhej. Kjo e lidhur me aktivitetin e tij kur ka qenë ministër i Jashtëm apo edhe ministër i Ekonomisë? Mjaft që të shohësh sms-të që Ilir Meta i dërgonte Kastriotit në vitet 2010, 2011 dhe e kupton lehtësisht këtë. Kastrioti ka qënë gjithashtu shpesh nën presion për të dhënë para nga bizneset e tij, për të ushqyer fushatat elektorale? Ajo që mund të them unë është se në kohën që u prish kontrata e DIA me CEZ, Kastrioti ka qenë shumë i shqetësuar se Ilir Meta i kërkoi një shumë të madhe eurosh?.

 





Lajmet e fundit nga