E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Shqipëria e Madhe?/ Ja çfarë deklaron zyrtari amerikan që realizoi marrëveshjen Rama-Basha

25 Maj 2017, 19:07, Aktualitet CNA

Zëvendësndihmësi i Sekretarit amerikan të Shtetit, Hoyt Brian Yee, ka thënë se në mesin e politikanëve shqiptarë nuk ekziston dëshira për krijimin e Shqipërisë së Madhe. Deklarimet Yee i ka bërë pas përfundimit të turit të tij në disa vënde ballkanike, ku përfshihej dhe Maqedonia, Kosova, Shqipëria dhe Sëbia, ndërsa komentoi i pyetur specifikisht nga mediat sërbe dhe maqedonase.

?Nuk besoj se ka një lëvizje serioze për Shqipërinë e Madhe, apo ndonjë dëshirë nga shqiptarët, kudo ku ata janë, në Maqedoni, Mal të Zi, apo vetë Shqipëri, për t?u bashkuar dhe për t?u bërë një shtet i ri, apo një lëvizje e re në Ballkanin Perëndimor. Qëndrimi zyrtar dhe unë besoj që është qëndrimi i sinqertë i partive politike në Maqedoni, Mal të Zi, Kosovë dhe Shqipëri, është për t?u integruar në Bashkimin Europian, të bashkohen me NATO-n kur është e mundur, si pjesë e shtetit ku ata janë, jo duke ndryshuar kufijtë, jo si super etnitet kombëtar, por brenda kufijve sovranë ku ata jetojnë?, është përgjigjur Yee.

I ndalur tek ndikimet e Rusisë në Ballkanin Perëndimor, duke i kërkuar Serbisë të jetë më e kujdesshme, Zvendësndihmësi i Sekretari amerikan i Shtetit ka vlerësuar:

?Ne e kuptojmë historinë dhe lidhjen e gjatë mes Rusisë dhe Serbisë, ndaj, sigurisht nuk tentojmë të hyjmë mes Serbisë dhe Rusisë. Mesazhi ynë për Serbinë është që të jetë vigjilente dhe të kuptojë çfarë Rusia ka qëllim të bëjë dhe pse. Për shembull, do të krijojë të ashtuquajturën: ?Qendër humanitare në Nish”, ka shtuar Hoyt Yee, duke konkluduar:

“Unë mendoj se nuk është e qartë se çfarë Rusia do të bëjë dhe nuk mund t?ju them cila është strategjia e saj. Por ajo që shohim janë përpjekjet e fundit të Rusisë për të ndaluar vendet që të ndjekin strategjitë e tyre kombëtare, siç është integrimi në BE ose në NATO, ose thjesht të kenë burime të pavarura dhe të diversifikuara të energjisë”./Citynews