web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhje të parakohëshme në qershor?/ Kryeministri i Kosovës: Kurrë, është muaji i Ramazanit!

9 Maj 2017, 19:44, Aktualitet CNA

Kryeministri i Kosovës dhe njëherësh dhe kryetari i LDK-së, ka thënë se partia që drejton nuk dëshiron të shkohet në zgjedhje gjatë muajit qershor, duke shtuar se LDK-ja nuk është e interesuar që t?i ftojnë qytetarët në fushatë dhe në zgjedhje gjatë muajit të Ramazanit, pasi dihet që numri i myslimanëve agjërues është i madh.

?Nuk pajtohemi që zgjedhjet të mbahen në qershor, dhe në Ramazan pasi kemi myslimanë që agjërojnë dhe nuk mund ti thërrasim në fushatë dhe ejani agjërueshëm të votoni pasi s?mund ta bëjmë këtë. Nuk pajtohemi që kjo të ndodhë tani, por që të ulemi dhe të merremi vesh?, ka thënë Isa Mustafa për transmetuesin public RTK.

Ai gjithashtu foli edhe për përkrahjen e mundshme të PDK-së ndaj mocionit, kur tha se ndoshta kjo parti ka tjera synime, dhe dëshiron të realizojë qëllimet e veta politike.

?Dhe kjo qeveri nuk është vetëm e LDK-së por edhe e PDK-së dhe nuk shoh asnjë arsye logjike që PDK-ja ta përkrah mocionin që do ta akuzonte ministrat si të dështuar ose si ministra ndaj të cilëve shprehet mosbesimi. PDK mund të ketë ndonjë qëndrim tjetër ndaj LDK-së sepse edhe pse jemi partner jemi parti që kemi synuar të realizojmë qëlimet e veta. Nëse PDK është ngutur me këtë koalicion dhe mendojnë se duhet të shkohet në zgjedhje mund të bëj veprime të njëanshme?, shtoi kryetari i LDK-së.

Deklarimet e veta kryeministri në detyrë Isa Mustafa i ka bërë në vigjilje të shqyrtimit të mocionit të mosbesimit që pritet të shqyrtohet të mërkurën në Kuvend dhe që me shumë gjasa ka mundësi të miratohet me shumicë votash, çka do të sjell mbajtjen e menjëherëshme të zgjedhjeve të parakohëshme brenda 45 ditëve./ CityNews





Lajmet e fundit nga