E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kokëdhima thotë se në takimet e partisë së tij ka shumë pjesëmarrës, por shihni këtë video

6 Maj 2017, 19:10, Aktualitet CNA

Këtë fundjavë, ashtu si edhe të shkuarën, kryetari i strukturës më të re politike ?Zgjidhja?, Koço Kokëdhima, e ka shfrytëzuar për të prezantuar partinë e tij në Pogradec, por edhe për të dhenë lajmin befasues se ka ambicie për tu bërë kryeministër i vendit.

Gjithçka për të mirën e vendit dhe të takspaguesve, sigurisht, por ajo që bën përshtypje është fakti se në hyrje të fjalës së tij Kokëdhima shprehet në ligjëratë të drejtë se sallat e takimeve të subjektit politik ?Zgjidhja?, që ka mbushur veç një javë nga shpallja zyrtare e themelimit, janë të mbushura rrafsh me njerëz që mezi e presin zgjidhjen nga ?Zgjidhja?.

?Ju falenderoj nga zemra për pjesëmarrjen dhe për mbështetjen. Kudo në Shqipëri, njerëzit na kanë pritur në mënyrën më të shkëlqyer. Sallat e takimeve tona janë rrafsh dhe duken të vogla. Njerëzit e presin Zgjidhjen me entusiazëm dhe besim. Tezat, idetë, propozimet dhe qëndrimet e ?Zgjidhjes? kanë përkrahje të gjerë në rradhët e popullit, por sidomos në rradhët e rinisë universitare dhe shkollore, në rradhët e rinisë dhe të gruas në fshat e në qytet. Rinia dhe gratë janë mbështetja më e madhe e ?Zgjidhjes?, ka artikuluar sot nga Pogradeci Kokëdhima, duke e parandjerë se: ?Me sa duket nga rinia dhe gratë do vijë energjia më e madhe transformuese e ?Zgjidhjes?.

Fjalimi është në rregull, entuziast dhe s?ke çi thua pasi propaganda është zemra e poltikës ballkanike, por ajo që mbetet çudi është fakti se në pamundësi mediatike për ta ndjekur nga pas Koçon, mes entuziasmit për pjesëmarrje kaq masive, me e pakta që ai, apo ekipi i zyrës së tij të shtypit, mund të bënte do të ishte publikimi i fotove dhe videove. E domosdoshme kjo për ta bërë të besueshëm dashurinë masive të votuesve për ?Zgjidhjen? e Koços.

Sepse ka ndodhur që, përkundër takimit të Korçës, përveç fjalimit programatik shumëfaqësh, të mbajtur në Pogradec, asnjë dëshmi tjetër foto e video nuk rezulton t?i jetë shpërndarë medias për këtë takim, gjë që e vë në dyshim vërtetësinë e pohimit të Kokëdhimës se: sallat e takimeve të ?Zgjidhjes? janë rrafsh… Aq më tepër duket e pabesueshme kjo kur i rikthehesh takimit të Korçës, ku Koço shpalli zyrtarisht themelimin e partisë së tij, e ku vërehët se gjithçka është zhvilluar brenda një sallë që edhe sikur sardele ti bësh pjesëmarrësit vështirë se justifikohet ?qënia rrafsh?. Ndiqeni videon e mëposhtme të këtij takimi dhe vlerësoni vetë./CityNews