E fundit!

12:36 Politikë

"Të thuash ke shpirtin e bukur, vetëm ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Deputeti i PD ia kthen Fleckenstein/Përgjigju këtyre pyetjeve, pastaj jep leksione!

27 Mars 2017, 19:21, Aktualitet CNA

Deputeti i Partisë Demokratike, Luçiano Boçi, i është përgjigjur Raportuesit për Shqipërinë në PE, Knut Fleckenstein, për kërkesën e opozitës për qeveri tenike.

Boçi shkruan se meqë Fleckenstein është shprehur se nuk e kupton kërkesën, duhet t?i japë më parë përgjigje këtyre pyetjeve të thjeshta.

Më tej, deputeti i drejton Fleckensteinit një sërë pyetjesh, duke shtuar se pas këtyre do ia aprovojë me shumë dëshirë këshillat e leksionet për demokracinë funksionale e parlamentare.

Ja reagimi:

Që Z. Fleckeinstein ta kuptojë kërkesën e PD për qeveri teknike, mqs është shprehur që nuk e kupton, duhet t’i japë më parë përgjigje këtyre pyetjeve fare të thjeshta:
– Sa euro kushton një votë në landin e tij?
– Si blihen votat në Gjermani?
– Sa banda operojnë në landin e tij për llogari të partisë-qeveri?
– Cili është më “i forti” i lagjes së tij që mbledh vota?
– A i ka uruar ndonjëherë “shefi”, sipas humorit, “Suksese në jetë”?
– A fiton dot ai në zonën e tij nqs se i del përpara një “bos” droge a burgaxhi i sprovuar, apo killer famoz, se këtu jo e jo që nuk ka shanse?
– A ka gjasa të ketë kandidatë politikë me rekorde të thella kriminale në vendin e tij?
– A ka promovuar e përkrahur ai vetë, individë të tillë në politikë për Kryetarë Bashkish apo Deputetë?
– Sa ton hashash mbillen në Gjermani?
– Sa përqind merr policia nga aktiviteti i drogës në Gjermani?
– Sa miliarda euro nga ky aktivitet përdoren nga partitë politike për të marrë pushtet atje?
– Sa vendime merren “nën efekt” për interesa kriminale e plehrash në vendin e tij?
– Sa ministra janë ish punonjës të ish STAS-it, apo hetues për llogari të STAS-it?
Vetëm kaq i duhet. Shqipëria e siguroj, është vend përrallor, por nuk mund të përralliset!!!
Pas kësaj me shumë dëshirë do ia aprovoja këshillat e leksionet për demokracinë funksionale e parlamentare./CityNews