web counter
LEXO PA REKLAMA!

SHKARKO APP

App Store
Google Play

Ekskluzive/ Presidenti Nishani do dekretojë Fatmir Xhafën si Ministër të Brendshëm, por e konteston

19 Mars 2017, 16:40, Aktualitet CNA

Presidenti i Republikës Bujar Nishani, pritet sot të dalë në një konferencë për shtyp në orën 18:00, ku pritet të flasë për dekretimin e 4 ministrave të rinj të propozuar nga kryeministri Edi Rama.

Burime zyrtare nga Presidenca thanë për CityNews se Bujar Nishani do të dekretojë Fatmir Xhafën si Ministër të Brendshëm, por do të kontestojë figurën e tij.
Janë disa arsyet se pse Presidenti Nishani konteston figurën e Fatmir Xhafës.

Së pari, mësohet se Nishani ka grumbulluar informacion mbi dosjen e vëllait të Fatmir Xhafës, i cili ka pasur probleme me drejtësinë italiani.

Së dyti, denoncimet e ditëve të fundit nga dy shtetas që pretendojnë se janë torturuar nga Fatmir Xhafa në kohën e diktaturës, do të ndikojnë në mos dekretimin e tij si Ministër i Brendshëm.

Së treti, një argument tjetër që Presidenti Nishani pritet të përdorë është fakti se Fatmir Xhafa ka qenë hetues gjatë kohës së diktaturës, duke e fshehur si informacion.

Duke u mbështetur tek ligji i Dekriminalizimit, por edhe tek ligjet e Reformës në Drejtësi, të cilat kanë si synim pengimin dhe largimin e personave me të kaluar të errët nga funksionet publike, Presidenti Nishani pritet ti kërkojë parlamentit ndalojë Fatmir Xhafën të shkojë në krye të Ministrisë së Brendshme./CityNews





Lajmet e fundit nga