web counter
LEXO PA REKLAMA!

SHKARKO APP

App Store
Google Play

E fundit!

x

Letra e plotë/ Prenga dorëzon mandatin e deputetit

27 Shkurt 2017, 10:01, Aktualitet CNA

Deputeti socialist Armando Prenga ka vendosur që të dorëzojë mandatin e deputetit, duke mos pritur vendimin e KQZ-së. Ai i ka dërguar një letër kreut të Kuvendit, Ilir Meta, ku e njofton për dorëzimin e mandatit. Kërkesa është depozituar më 25 shkurt, në ditën kur Prokuroria e Përgjithshme i rikërkoi KQZ-së heqjen e mandatit të Prengës.

Në letrën e tij, Prenga thekson se ligji i dekriminalizimit nuk parashikon në asnjë rast ndërprerje të mandatit të të zgjedhurit, por dënim me gjobë, ai ka zgjedhur të dorëzojë mandatin për qetësinë e familjes së tij.

I nderuar, z Kryetar

Duke ju shprehur konsideratën dhe falënderimet për bashkëpunimin e deritanishëm, më lejoni që nëpërmjet kësaj letre të paraqes dorëheqjen time nga mandati i deputetit të partisë ?Socialiste?, në Qarkun Lezhë.

Kjo kërkesë është mbështetur në përcaktimet e nenit, 71, pika 2, germa ?b? e Kushtetutës së Republikës së Shqipërisë, sipas së cilës mandati i deputetit mbaron, ndër të tjera, dhe kur deputeti heq dorë prej tij.

Bazuar në nenin 164 të Kodit Zgjedhor, i cili përcakton se në rast të ndërprerjes së mandatit të deputetit, Kuvendi njofton KQZ për krijimin e vakancës, lutemi nga ana juaj vënien e procedurave për këtë qëllim.

Por, dëshiroj t?ju informoj ju z Kryetar, por edhe opinionin publik se, ligji nr. 138/2015 ?Për garantimin e integritetit të personave që zgjidhen, emërohen ose ushtrojnë funksione publike?, asnjë dispozitë të tij, nuk parashikon ndërprerje të mandatit të të zgjedhurve, për një dënim me gjobë, siç është dhe rasti im. Por, për qetësinë time dhe të familjes sime, deklaroj si më sipër se, heq dorë, sot dhe gjithmonë, nga mandati që zgjedhësit e mi dhe Kushtetuta më kanë ngarkuar.

Së fundmi, i konsideroj të drejta, të padrejta dhe shpifje të ulëta akuzat politike të opozitës dhe personale të autorizuar prej tyre.

Me respekt

Armando Prenga /CityNews  

 





Lajmet e fundit nga