Karloq Bolla këshillon Edi Ramën për rrugëdaljen nga kriza politike

25 Shkurt 2017, 21:53, Aktualitet CNA

Kur Karloqi bëri librin për armët kimike siriane që do të vinin në Shqipëri, Edi Rama e quajti atë këshilltarin e tij jozyrtar. Karloqi e mori seriozisht këtë detyrë dhe i dërgoi Ramës një memo ku i propozonte një zgjidhje për krizën e sotme politike në Shqipëri. Memoja ka këtë përmbajtje:

Signor Presidente dell Consiglio! (Zoti kryetar i Këshillit- kështu e quan Karloqi Edi Ramën, sipas stilit italian ku kryeministri quhet kështu si kryetar i Këshllit të Ministrave)

Kriza e sotme politike në Shqipëri të ngjan shumë me krizën politike në Itali, në vitin 1978.

Në Shqipëri ka tre liderë që ndeshen dhe bëjnë aleanca mes tyre: Vostra Eccelenza Rama, Sua Eccellenza Meta dhe Sua Eccellenza Basha (pas të cilit qëndron Sua Eccellenza Berisha). Meta, si reagim ndaj shkarkimit të Manjanit, mbështeti Bashën për të nisur protestat në bulevard.

Me thirrjen e djeshme për dhunë të Bashës, Shqipëria ka hyrë në epokën ?anni di piombo? (vitet e plumbit) dhe është si Italia në fillim të vitit 1978. Edhe atëherë ishin tre liderë që ndesheshin dhe bënin aleanca: Andreoti, Moro, që ishin demokristianë dhe Berlingueri që ishte komunist. Siç dihet Moro bëri marrëveshje me Berlinguerin, që e sillte Moron në pushtet dhe eliminonte Andreotin që ishte kryeministër. Ju dhe Meta jeni si Giulio Andreoti dhe Aldo Moro, aleatë dhe kundërshtarë. Basha është si Berlingueri, që ishte i destinuar të mos merrte kurrë pushtetin.

Në këtë situate unë propozoj një zgjidhje të llojit ?strategia della tensione?, sic u përdor në Itali në atë kohë, me shumë sukses. Andreoti organizoi rrëmbimin e Moros me anë të brigadave të kuqe që bënin lojën e CIA-s. Moro vdiq, Berlingueri i mbetur pa partner në qendër u izolua dhe Andreoti i mbetur pa rival mbijetoi edhe 14 vjet në politikë, më së shumti në pushtet, duke qenë për herë të fundit kryeministër në 1992.

Në kushtet e Shqipërisë, zgjidhja do të ishte:

Me anë të një organizate ekstremiste të sajuar në internet, të rrëmbehet Meta dhe të mbahet i burgosur si Aldo Moro. Vend ideal do të ishte Bunkarti që e administroj unë me kompanitë e mia. Atje ka shumë korridore e dhoma të fshehta, sa nuk është nevoja të mbyllet Bunkarti për vizitorët në kohën që Meta do të mbahet atje. Ashtu si Aldo Moro, Meta dërgon që nga burgu letra ku denoncon shokët e vet. Këto letra do t? i shkruajmë ne dhe me to do t? i mbajmë nën presion deputetët e LSI-së, që të bashkohen me PS-në. Letrën e parë do t? ia dërgojmë Sua Eccellenca Pietro Vasili. Shpejt do të shkrihet LSI dhe deputetët e saj do t? i bashkohen PS-së. Pastaj cilin të doni futeni në listën e kandidatëve për në zgjedhjet e ardhshme, cilin të doni jo.

Kur të kemi mbaruar punë, do të zbulohet kufoma e Metës në bagazhin e një makine në rrugën ku është selia e LSI-së. Me eliminimin e Metës, Basha do të mbetet i izoluar dhe po ashtu edhe Berisha. Ju do të bëheni zoti i politikës për 15 vitet e ardhshme, ashtu si Andreoti. Madje ndryshe nga Andreoti nuk do t? u prishet plani që të bëheni president i republikës pasi të keni mbajtur sa të doni postin e kryeministrit. Ndryshe nga Andreoti ti do ta kesh mafien nën kontroll të plotë dhe nuk do të të bëjë surpriza si Andreotit që në 1992, para votimit për presidentin e republikës, mafia i bëri surprizën me atentatin ndaj Gjykatësit Falkone. Ti mund të rrish edhe dy mandate kryeministër, deri në 2025 dhe pastaj të bëhesh president për një ose dy mandate.

E ndjeva për detyrim t? ua jap këto ide për shkak të të mirave që më keni bërë se gjatë pushtetit të Vostra Eccellenza u bëra fillimisht miliarder në lira dhe më pas milioner në euro.

Gjithmonë në shërbimin tuaj

Karloqi

PS: Zonja Karloqa ju dërgon përshëndetjet e saj për ju dhe zonjën tuaj. I thashë se kjo është memo, jo letër private por ajo këmbëngul dhe më thotë se këto konvencione janë për terronet e ngirtur befas në pushtet, jo për njerëzit jokonformistë, të qytetëruar, si Vostra Eccellenza, të cilët bëjnë historinë.