E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Analiza-Ndërkombëtarët në alarm/ Në Shqipëri të ardhurat nga droga më shumë se buxheti i shtetit

25 Shkurt 2017, 11:16, Aktualitet CNA

Ndërkombëtarët janë vënë në panik nga droga shqiptare. Faktet flasin qartë, ndërsa deklaratat e tyre i kanë vënë vulën asaj që është denoncuar sistematikisht nga shumë faktorë politikë dhe shoqërorë, me akuzat se shteti ka rënë dhe krimi ka marrë gjithçka nën kontroll.

Këtë fakt së fundi e konfirmojnë edhe faktorët ndërkombëtarë, deklaratat kontradiktore (me ndryshim vitesh) të ambasadorit të OSBE në Tiranë, Bernd Borchardt, dhe Prokurorit i Antimafias italiane, Franko Roberti.

Të mërkurën ambasadori Borchardt në ?Tonight” të Ilva Tarës në Ora News, nënvizoi se kanabisi vë në rrezik zgjedhjet, ndërsa qarkullojnë 2 mld euro para të pista. Ai i mëshoi faktit se investimi i parave të kanabisit në zgjedhjet e ardhshme parlamentare është një risk real për 18 qershorin.

?Qarkullojnë më shumë se 2 miliardë euro para të pista. Pra ekziston risku se këto para mund të përdoren për të blerë deputetë?, tha ai. Kjo është arsyeja thotë, Bernd Borchardt, pse OSBE është pro ndryshimeve në Kodin Zgjedhor, për të shmangur apo më saktë për të limituar sa më shumë blerjen e votave.

Pas takimit të zhvilluar dje me Ministrin e Brendshëm Saimir Tahiri, ambasadori i OSBE-së në Tiranë, Bernd Borchardt ndryshoi vitet dhe nga zgjedhjet e 18 qershorit 2017, kaloi në vitin 2013. Ai tha ?Që nga viti 2013 në bazë të disa vlerësimeve ndërkombëtare që flasin për një mijë ton kanabis, që llogaritur në vlerën e shitjes në tregun europian janë diku tek 2 mld euro?.

Ambasadori i OSBE megjithese ? përdridhet? dhe ndryshon vitet pranon një fakt, janë 2 miliard euro para droge në 2013. Këtu fillon edhe një analizë dhe llogari mjaft e thjeshtë.

Prokurori i Antimafias italiane, Franko Roberti, pas takimit me kryeprokurorin Adriatik Llalla në një konferëncë për mediat ngriti shqetësimin e trefishimit të sasisë së drogës të trafikuar nga Shqipëria drejt Italisë. Ai tha se përgjatë dy viteve të fundit është trefishuar trafiku i drogës, një nga arsyet që solli vizitën e tij në Tiranë. Këto para droge sipas prokurorëve italianë finacancojë edhe terrorizmin.

Nëse do të rendisim faktet e thëna nga amabsadori Borchardt dhe prokurori i antimafias Franko Roberti rezulton se trefishimi i drogës dhe parave të saj që mund të financojnë politikën dhe terrorizmin kanë vënë në alarm ndërkombëtarët.

Sipas një llogaritje të thjeshtë matematikore, referuar të dhënave nga ambasadori dhe prokurori, të ardhurat që vijnë nga droga, janë më të larta se buxheti i shtetit në Shqipëri. Të dhënat zyrtare tregojnë se buxheti i shtetit në vendin tonë është rreth 3.3 miliardë euro.

Ambasadori Borchardt, tha se qarkullojnë 2 mld euro para të pista duke marë vitin 2013, kreu i antimafias italiane se kemi trefishin të sasisë së drogës së trafikuar, shifra rezulton të jetë 6 miliard euro, afërsisht sa dy buxhete vjetore të shtetit shqiptar.

Trafiku i drogës në Shqipëri qarkullon më shumë para se buxheti i shtetit sipas shifrave të dhëna nga personalitete të diplomacisë dhe investigimit në Europë. Shifrat nuk janë të opozitës dhe as të qeverisë, por të faktorëve dhe personalitetëve ndërkommbëtarë, të cilët me të dhënat e tyre na thonë se krimi në Shqipëri kontrrollon dyfishin e parave të buxhetit të shtetit. Praktikisht shteti ka rënë është krimi ai që kontrollon vendin. Jo zyrtarisht, por ekonomikisht. /CityNews