E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Topalli në çadrën e protestës/ Ja hapat që duhen ndjekur

20 Shkurt 2017, 19:27, Aktualitet CNA

Ish-kryeparlamentarja Jozefina Topalli, i është bashkuar sot protestës së opozitës, menjëherë pas mbledhjes së Asamblesë së NATO-s në Bruksel.

Sipas saj, protesta e zhvilluar nga opozita se ishte ndër më të mëdhatë e më të rrallat që ajo kishte parë.

Ajo dha disa sugjerime për hapat që duhen ndjekur në lidhje me vijimësinë e protestës. Deputetja tha se ishte e rëndësishme që protestat të thelloheshin jo vetëm në Tiranë por edhe në qytetet e tjera për të ndryshuar çdo gjë të bërë keq nga qeveria aktuale.

?Sapo jam kthyer nga Brukseli në Asamblenë e NATO-s. Prej aeroportit kam ardhur menjëherë, sepse është mundësia për të krijuar një lëvizje të jashtëzakonshme nga kjo protestë magjepsëse. Prostesta ndër më të rrallat e më të mëdha të memories time politike, kundër qeverisjes për të ndryshuar çdo gjë në vendin tonë, varfërinë e shumëfishuar dhe kriminalizmin duke filluar që nga parlamenti. Kjo qeveri e bën të pashpresë të ardhmen e vendit tonë. Duhet konceptuar se cilat do jenë hapat e kësaj lëvizje. Hapi i parë është këmbanë kundër qeverisë aktuale. Është e rëndësishme që kjo lëvizje të thellohet në çdo qytet, për të shpëtuar vendin nga krimi. Po ndodh një kalbëzim total në çdo gjë që i ofrohet qytetarit. Këtë lëvizje po e udhëheqin qytetarët, që po na japin leksione ne politikanëve se si bëhet politika. Rama është më i frikësuari nga të gjithë. T?i përgjigjet thirrjes së opozitës për t?u tërhequr dhe të plotësohen kushtet për votime të lira e të ndershme. Pjesëmarrja e madhe e qytetarëve tregon që nuk pajtohen me kryeministrin dhe premtimet e tij të pambajtura.

Po lirohen të gjithë bandat që janë arrestuar në vitet më parë, ka degraduar shteti shqiptar. Sipas raportit të Bankës Botërore, është shumëfishuar varfëria, është reduktuar shtresa e mesme. Nëse ne si opozitë nuk i dalim zot qytetarëve, atëherë nuk e meritojmë të jemi opozitë,? tha Topalli.