web counter
LEXO PA REKLAMA!

SHKARKO APP

E fundit!

x

Zhduket lideri i protestës

20 Shkurt 2017, 16:50, Aktualitet CNA

?Lideri? i protestës dhe frymëzuesi i miliona qytetarëve në vend, Ervin Salianji,  është zhdukur nga çadra e qëndresës përballë kryeministrisë.

Ai u shfaq ditën e parë të protestës duke orientuar qytetarët se për kë të brohorisnin dhe kur ta bënin diçka të tillë. Pas protestës, ?lideri? i plotfuqishëm i protestës u pa duke urdhëruar qytetarët të uleshin në shesh.

Një prej tyre u çua pas bllokimit të muskujve, por ?lideri?,  në të qindat e sekondave gjeti zgjidhjen. Ai përdori shprehjen e dikurshëm të burgjeve: ?Kush rri në këmbë e ha me dhëmbë?. Dhe kështu, dashur pa dashur, ?lideri? i protestës arriti të mbajë ulur qytetarët.

Por, menjëherë pas shfaqjes së aftësive së tij, opozita vendosi të ngrejë një çadër. Çuditërisht, në këtë moment ?lideri? i protestës u zhduk. Nga ajo ditë ai nuk është shfaqur më në kamera, por raportuesit tanë thonë se ai nuk ishte as i fshehur në çadër.

Ne jemi të sigurt që pas këtij shkrimi, ?lideri? i protestës do të shfaqet sërish. Nga ana tjetër, qytetarët në protestë duket se janë të çorientuar nga mungesa e ?liderit?. Disa prej tyre kanë nisur të qajnë dhe duket se janë gati të marrin një vendim të madh. Mësohet se ata do futen në grevë urie, këtë herë jo ndaj Ramës, por ndaj Bashës, i cili me çdo kusht duhet të kthejë ?liderin? në çadër, ndryshe nuk ka kthim prapa./CityNews





Lajmet e fundit nga