E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

HABERET E MITROS/ MA KA BËRË ME HILE KLEMENT BALILI?!

2 Shkurt 2017, 18:12, Aktualitet CNA

Nga Mitro Çela

Kohë më parë. Ftesë nga Saranda. “Me rastin e inagurimit të hotelit “Santa Cuaranta”, jeni i ftuar.” Pronari Klement Balili.
Ja tregova Ezmerkës. Nisëm një bisedë me nota surealiste.
Ezmerka:- Ku e ke njohur Klementin?
Unë:- Nuk e njoh.
Ezmerka:- Pse të fton? Ku fshihet lepuri?
Unë:- Në inagurim ka politikanë me nishane. Ndoshta, Klemendi ka menduar: Për të vrarë syrin e keq, pse të mos ftojmë edhe një politikan të dështuar?…Larg e larg. Nga burime zyrtare, kam dëgjuar. Kur të pritet shiriti, do të na japin nga një zarf…
Ezmerka:- Leri ironitë. Kush nxjerr para nga xhepi sot?
Unë- Thonë se Klementi merret edhe me drogë. Do na japi zarfe, për të bërë larje parash…Ti marr, edhe pse janë para të pista?
Ezmerka:- Bëj si shokët!
Ora 16. Sheshi para hotelit. Nuk kishe ku të hidhje koqen e mollës. Ilir Meta. Petrit Vasili. Koço Kokëdhima. Arben Ahmetaj. Deputetë. Gazetarë. Kameramanë. Drejtorë. Fjalime. Urime. Vizita. Hoteli shkelqente. Paraja ishte derdhur lumë…Në fund u shtrua një darkë. Bollëk. Mish e peshk. Shampanjë. Verë . Raki. Uzo. Konjak. Uthull…
Vetëm puna e zarfit doli dele pa qumësht…
Në mesnatë u ngjitëm në katin e tretë. U futa në dhomë. Bir o Mina! Mu dukj vetja: Pasha!..Mëngjezi? Alla frënga…
…Kaluan 6 muaj. Nami! Balili, na doli “Eksobar”. E kërkonte Greqia…Amerika. Evropa?

Ezmerka u thartua. Hodhi shkelma. Tha: Vajte si cjapi tek kasapi?! Ditëzi! Por të përgjërohem! Si Jezu Krishti! Mos hap barkun. Mos bëj proçka duke shkruar ndonjë haber!
I dhashë të drejtë. Ju betova duke bërë kryq për Shën Mitrin. …E mbajta bëmën në bark për 9 muaj. Disa ditë më parë më zunë dhimbjet. Sebep u bë Manjani kur tha:
-Ministrat kanë fletur me femra në ?Santa Cuaranta??
Femrat nuk I kanë marrë me vete. Ua ka bërë peshqesh Balili?! Më hipi damara! Më zunë ethet. Pse ma ka bërë me hile mua Klement Balili? Pse më ka ndarë nga të ftuarit dhe nuk më kalli edhe mua një zoçkë?…Ku nuk më vete mendja. Mos ka menduar se nuk më ngre kandari?…E rëndë për një mashkull?