web counter
LEXO PA REKLAMA!

SHKARKO APP

App Store
Google Play

E fundit!

x

Ambasada e SHBA refuzon dhe anulon vizat për gjykatësit

2 Shkurt 2017, 17:18, Aktualitet CNA

Ambasada e Shteteve të Bashkuara ka refuzuar disa ditë më parë vizat për disa prokurorë dhe gjyqtarë të vendit.

Ambasada shpjegon se e ka ndërmarrë këtë veprim përpara procesit të pritshëm të rivlerësimit të gjyqtarëve dhe prokurorëve, i cili do të vlerësojë lidhjet e zyrtarëve të caktuar me korrupsionin, si dhe në përgjigje të një rasti që përfshinte abuzim flagrant të një vize zyrtare nga një prokuror i nivelit të lartë dhe bashkëshortja e tij, gjë që çoi në revokimin e vizave të tyre.

Burime për CityNews thanë se pjesë e gjyqtarëve që i janë refuzuar dhe anuluar vizat janë edhe ato të Korçës. Shumë prej tyre kanë humbur vizat që kanë pasur dhe një pjese tjetër i janë refuzuar.

Të njëjtat burime theksuan se një drejtuese gjykate në apel dhe një gjyqtar në Gjykatën e Faktit të Korçës, janë futur në listën e zezë nga ambasada amerikane për sa i përket refuzimit të vizave.

Megjithatë ambasada saktëson se për shkak se të dhënat e vizave janë konfindenciale sipas ligjit të Shteteve të Bashkuara, nuk mund të komentojë mbi raste individuale, por shprehet se ajo i merr seriozisht akuzat për korrupsion dhe do të vazhdojë t?i shqyrtojë vizat dhe aplikimet për vizë të zyrtarëve të drejtësisë me vëmendje të shtuar.

Ambasada shpjegon më tej se ?Departamenti i Shtetit ka një autoritet të gjerë për të mohuar dhe revokuar viza bazuar në informacione që tregojnë se zotëruesi i vizës mund të jetë i papranueshëm në Shtetet e Bashkuara dhe Departamenti i Shtetit do të vazhdojë ta përdorë këtë autoritet për të çuar përpara përpjekjet kundër korrupsionit në Shqipëri?./CityNews





Lajmet e fundit nga