web counter
LEXO PA REKLAMA!

SHKARKO APP

App Store
Google Play

E fundit!

x

Pranga avokatit/ Goditen tre raste korrupsioni

1 Shkurt 2017, 13:14, Aktualitet CNA

Në sajë të operacionit të koduar ?Drejtësia?, pas një hetimi prej 3 muajsh, në bashkëpunim me Prokurorinë për Krimet e Rënda, Policia e Shtetit ka bërë të mundur finalizimin e tre rasteve të korrupsionit.  Nga ana e policisë është arritur prangosja e një avokati si dhe është bërë e mundur ndalimi i  dy shtetasve, përkatësisht 28 dhe 51 vjeç.

Operacioni është zhvilluar nga Drejtoria për Hetimin e Krimit Ekonomik e Finaciar në Policinë e Shtetit me  Sektorët përkatës në Drejtorinë Vendore Tiranë e Elbasan  dhe  Prokurorinë e Krimeve të Rënda.

?Pas një hetimi proaktiv prej 3 mujash, në bashkëpunim me Prokurorinë për Krimet e Rënda, me datë 31.01.2016 është finalizuar operacioni “Drejtësia”,  me arrestimin e avokatit Gjin Marku, 52 vjeç, lindur në Pukë dhe banues në Fushë – Mamurras.

Arrestimi u bë me vendim gjykate në datë 31.01.2016. I larpërmenduri, me veprime aktive ka kërkuar 3000 euro në mënyrë sistematike për ti paguar tek gjyqtari i çështjes gjyqësore penale, për të dhënë një pafajsi.  Vazhdojnë hetimet për zbardhjen e të gjithë rrethanave dhe lidhjeve të tjera, për veprat penale të ?Ushtrimi i ndikimit të paligjshëm ndaj personave që ushtrojnë funksione publike?,”Korrupsioni aktiv i Gjyqtarit, Prokurorit dhe i funksionarëve të tjerë të drejtësisë? dhe ?Korrupsioni pasiv i Gjyqtarit, Prokurorit dhe i funksionarëve të tjerë të drejtësisë?, parashikuar nga nenet  245/1, 319 e 319/ç të K.P.

-Ndalohet shtetasi Selajd Kapaj, 28 vjeç, banues në Tiranë, sepse ishte shpallur në kërkim per ?Korrupsion pasiv i personave që ushtrojnë funksione publike?, parashikuar nga neni 259 i KP.

Materialet u referuan në Prokurorinë e Rrethit Gjyqësor Tiranë.

Ndalohet shtetasi në kërkim Behar Kola, 51 vjeç, banues në Tiranë,  me punë në grupin e shoqërimit në Drejtorinë e Burgjeve, për veprën penale të ?Ushtrimi i ndikimit të paligjshëm ndaj personave që ushtrojnë funksione publike?, ?Korrupsioni aktiv i Gjyqtarit, Prokurorit dhe i funksionarëve të tjerë të drejtësisë? dhe ?Korrupsioni pasiv i Gjyqtarit, Prokurorit dhe i funksionarëve të tjerë të drejtësisë?, parashikuar nga nenet  245/1, 319 e 319/ç të K.P?, bën me dije burime zyrtare të policisë. /CityNews

 





Lajmet e fundit nga