web counter
LEXO PA REKLAMA!

SHKARKO APP

App Store
Google Play

E fundit!

x

Luçiano Boçi: MAS ka kapur universitetet përmes bordeve të administrimit/Nuk ka koalicion me LSI para zgjedhjeve

24 Janar 2017, 08:29, Aktualitet CNA

Në një intervistë të dhënë për gazetën ?Sot?, deputeti i Partisë Demokratike, Luçiano Boçi, ka komentuar një sërë çështjesh si reforma në arsimin e lartë, reforma në drejtësi, programi zgjedhor i Partisë Demokratike, votimi elektronik si edhe shumë të përfolurin koalicion paszgjedhor me Lëvizjen Socialiste për Integrim. Boçi u shpreh se nënshtrimi i vetë universiteteve është absurd dhe shenjë e dorëzimit të tyre para presionit politik. Përsa i përket programit që Partia Demokratikë do të ketë gjatë zgjedhjeve elektorale të 2017, ai deklaroi se tezat themelore të tij janë artikuluar nga kryetari Basha në një sërë takimesh, ku synohet rimëkëmbja ekonomike nëpërmjet politikave efikase fiskale e tatimore, që synojnë çlirimin e energjive të fjetura të bizneseve vendase të gjitha niveleve, përkrahjen e tyre dhe tërheqjen e investimeve të huaja si dhe një fokusim të veçantë tek bujqësia.

Deputeti Boçi tha se votimi elektronik është e vetmja mënyrë që mos të ketë manipulim të zgjedhjeve dhe theksoi se PD do të jetë e vendosur që këto zgjedhje të bëhen me votim elektronik, në të kundërt mazhoranca do të duhet të shkojë e vetme në zgjedhje. Ai nuk la pa përmendur se një koalicion paszgjedhor me LSI mund të bëhet vetëm për fatet e vendit. I pyetur mbi reformën në drejtësi, deputeti demokrat deklaroi se po synohet nga mazhoranca, që të shfrytëzohet çdo hapësirë për të mbërthyer organet e drejtësisë dhe të kontrollohet i gjithë ky proces nga Kryeministri Rama.





Lajmet e fundit nga