web counter
LEXO PA REKLAMA!

SHKARKO APP

App Store
Google Play

E fundit!

x

Flamur Noka, flamujt e korrupsionit, prostitucionit dhe drogës

15 Janar 2017, 08:31, Aktualitet CNA

Mediat dje dhe sot raportojnë se Prokuroria ka nisur një letër porosi dhe po heton deputetin demokrat Flamur Noka në kuadër të ligjit të Dekriminalizimit. Një veprim dhe akt normal ligjor që në media po fryhet si thua të ishte zbardhja e një krimi të madh. Po le ta anlizojmë dhe raportojmë më tej rastin Noka dhe të vërtetën e tij.

Flamur Noka është një deputet i PD që shumë shqiptarë, përfshi demokratë dhe socialistë mund të mos e pëlqejnë për sjelljen e tij. Ai është një militant dhe ushtar i bindur i Berishës dhe PD-së, është ndoshta kokëulur dhe shërbëtor deri në çmenduri, gjithmonë ndaj Berishës dhe kryetarit, për të tjerët është gati ti shkelë me kembë.

Noka ka zgjedhur të bëjë atë detyrë, të jetë vegël e partisë dhe liderit të saj, të thotë po edhe kur duhet jo dhe të bëjë po-në e urdhëruar edhe kur është i bindur se duhet e kundërta. Urdhëri i justifikuar si ideali i partisë është bindja, detyra si ushtar pse jo dhe servilizmi janë politika e tij. Dhe kjo nuk duket ti ketë dalë keq. Për disa arsye në PD kishte shume intelektualë dhe profesionistë për të shkuar ministra të Brenshëm por betejën me ta e fitoi Flamuri, për sjelljen dhe besnikërinë e tij ndaj Berishës.

Flamuri është specific, të ka shok po e ke mirë me Berishën dhe Bashën, por stë do lideri apo kryetari stë ka as shok dhe as mik flamuri. Gjithccka e tij fillon dhe mbyllet brenda kornizës të partisë. Flamuri ka zgjedhur të jetë i tillë dhe për këtë duhet respektuar, ajo është zgjedhja e tij, e duan apo jo në opinionin publik ai është një nga formatet që ofron PD-ja. Të tillë Rilindja dhe LSI-ja ka me shumicë, pra janë profile që ekzistojnë rëndom në politikën tonë.

Ky është Flamur Noka dhe kaq, asgjë më shumë. Flamur Noka nuk është trafikant prostitutash si shumë deputetë të Rilindjes, LSI apo ndonjë brenda opozitës nuk është nga ata që po humbin mandatin.

Flamur Noka nuk është trafikant droge si kolegë të tij në parlament. Flamuri nuk është vrasës apo pjesmarës në grupe kriminale, për këtro duhet të jenë të bindur të gjithë shqiptarët e pëlqejnë apo jo.

Flamuri ndryshon shumë nga ata që po humbin mandatet nga dekriminalizimi. Thelbësisht, ai është produkt i sistemit tonë politik siç janë dhe kolegët e tij, por Flamur Noka nuk ka lidhje me flamurtarët e drogës, krimit dhe prostitucionit.

Noka është një i ri i arratisur në vitet 90, më pas i rikthyer në Shqipëri, pasi është burgosur dhe pyetur në ish-Jugosllavi. Një i arratisur si qindra mijë shqiptarë të tjerë. Noka ka qenë një i ri që kaloi kufirin duke tentuar të ndryshojë të ardhmen e tij, në fakt rikthimi i dha një të ardhme jo të keqe, por jo kriminale. Noka është një Flamur i politikës dhe karrierës si ushtar i bindur, thjesht dhe vetëm kaq. Flamur Noka është Shqipëria e këtyre 25 viteve së bashku me të tjerët në të gjitha krahët, por nuk është nga ata flamujt e prostitucionit, drogës dhe krimit që u valëvitën në parlament me shumicë pas 2013.

Lajmet për hetime apo letër porosi për një të aratisur duket të jenë presione politike, apo instrumenta të servirura në zyrën e propagandës së qeverisë të Rilindjes. Grupit të saj parlamentar i janë larguar jo pak deputetë me problem ligjore, bashkë me ta po e braktisin edhe intelektualë e politikanë karriere. Ky është problemi që ka Rilindja, kërkon zhurmë me Flamur Nokën në prag të zgjedhjeve për ta valvitur mbi flamujt e saj të korrupsionit, drrogës, krimit dhe pristitucionit./Citynews





Lajmet e fundit nga