E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Sekuestrohen 8.5 kg drogë

15 Janar 2017, 07:59, Aktualitet CNA

Shërbimet e Drejtorisë Vendore të Policisë Shkodër në bashkëpunim me shërbimet e komisariatit të Policisë Shkodër, në vijim të punës së tyre të pandërprerë për goditjen e prodhimit dhe shitjes të lëndëve narkotike, u finalizua me sukses operacioni i koduar “GOLD RUSH”, ku u bë e mundur goditja e një tjetër rasti, u sekuestruan 8.5 kg lëndë e dyshuar cannabis-sattiva, arrestuan në flagrancë 3 shtetas, dhe konkretisht: 1. Bertjan Pepkola, 24 vjeç banues në Lezhë 2. Aldo Përleka, 22 vjeç, banues në Lezhë 3. Xhulio Përleka, 23 vjeç, banues në Lezhë

Në bazë të informacioneve të siguruara në rrugë operative nga Policia e Shkodrës, se 3 shtetas po transportonin me mjet lëndë narkotike, menjëherë shërbimet e policisë u vunë në ndjekje dhe në fshatin Zues, njësia administrative Rrethina, Shkodër, u konstatua mjeti i dyshuar, tip “Benz” me targë LE 7958 A, me drejtues shtetasin Xhulio Përleka, i cili gjatë ndjekjes ka humbur kontrollin dhe për pasojë ka dalë nga rruga. Të 3 shtetasit u transportuan në spitalin rajonal Shkodër, ku morën ndihmën e nevojshme mjekësore dhe u shoqëruan në ambjentet e Drejtorisë Vendore të Policisë Shkodër, për veprime të mëtejshme. Gjatë kontrollit të ushtruar në mjet u gjet një sasi prej 8.5 kg lëndë e dyshuar narkotike cannabis-sattiva dhe së bashku me mjetin u sekuestruan në cilësinë e provës materiale.