E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Denoncimi- Ambulanca përplas mjetin/ Po shërbente privatisht, drejtuesi ishte i dehur

15 Dhjetor 2016, 18:39, Aktualitet CNA

Në redaksinë e citynews.al ka ardhur një denoncim që implikon Ministrinë e Shëndetësisë dhe konkretisht Urgjencën e Tiranës.

Denoncuesi shprehet se pasditen e djeshme rreth orës 17:45, ka ndodhur një aksident automobilistik në Kamëz, shkaktuar nga autoambulanca e Urgjencës së Tiranës me targë TR9917K me një automjet tip Wolfsvagen. Nga aksidenti nuk pati të lënduar në njerëz, por vetëm dëme materiale.

Qytetari ka raportuar pranë citynews se fajtor i aksidentit ishte drejtuesi i ambulancës, i cili kishte shkelur rregullat e qarkullimit rrugor. Për këtë arsye, ai u ndalua nga Policia e komisaritati nr.5 në Kamëz, e cila vendosi të ruajë si provë autoambulancën.

Por, sipas denoncimit të qytetarit, autoambulanca në fjalë ishte jashtë shërbimit dhe drejtuesi i saj ishte pa ekip mjekësor. Dyshohet se kjo autoambulancë shërben në institucione private me pagesë të paligjshme, ku paratë ndahen me drejtuesit e Urgjencës.

Denoncimi vijon edhe më tej. Pasi u mor vesh nga drejtuesit e lartë të shëndetësisë, ngjarja u mundua të mbyllej sa më shpejt sepse kjo autoambulancë, ashtu si të tjerat, ishte pa kolaudim dhe pa siguracion. Gjithashtu, mendohet se drejtuesi i mjetit ishte i dehur dhe i paligjshëm në detyrë.

Pyetjet që ngrihen janë se si do të dëmshpërblehet i dëmtuari dhe kush i dha të drejtën personit në fjalë të marrë ambulancën pa ekip mjekësor.

Megjithatë, qytetari thekson se ngajrja në fjalë u filmua nga disa televizione, por nuk u raportua. Ai hedh dyshime se raportimi i një aksidenti të tillë, i cili në fakt është i zakonshëm, do të nxirrte në pah një aferë korruptive të madhe./citynews

Video Ekskluzive/ Ambulancat e Urgjencës në harresë

(FOTOT) Skandali/ Shoferët e Urgjencës paguhen pa punuar, ambulancat pa kolaudim

VIDEO+FOTO / Ekskluzive- Autoambulancat e urgjencës së Tiranës në mëshirë të fatit