web counter
LEXO PA REKLAMA!

SHKARKO APP

Vrasja e dy fëmijëve të mitur/ Procedohet penalisht nëna e dy fëmijëve

6 Dhjetor 2016, 09:24, Aktualitet CNA

Procedohet penalisht nëna e dy fëmijëve, të cilët humbën jetën në ngjarjen e ndodhur ditën e djeshme në qytetin e Korçës.

Specialistët e Seksioni për Krimet në Komisariatin e Policisë Korçë, filluan procedimin penal në gjendje të lirë ndaj shtetases M.T(B), 24 vjeçe, banuese në Korçë.

Gjatë dëshmisë në polici, Marsela Toshi u shpreh se shkonte në Greqi për të punuar.

“Do të shkoja të gjeja punë në Greqi dhe më pas do të merrja edhe fëmijët?, tha nëna e dy fëmijëve të cilët u mbytën nga babai.

Procedimi ndaj saj ka filluar pasi, kjo shtetase ka braktisur dy fëmijët e saj të mitur dhe më pas është larguar për në shtetin Grek, konkretisht shtetasit J.T dhe V.T të moshave 7 dhe 4 vjeç, trupat e të cilëve u gjetën të pajetë, së bashku me trupin e bashkëshortit të kësaj shtetaseje ,në banesën e tyre, në lagjen nr 4 Korçë.

Materialet i kaluan Prokurorisë të Rrethit Gjyqësor Korçë për veprën penale: ?Braktisja e fëmijëve të mitur?./ Citynews





Lajmet e fundit nga