web counter
LEXO PA REKLAMA!

SHKARKO APP

App Store
Google Play

E fundit!

x

Alarmi i Arben Malaj/ Piramidat online po ju vjedhin paratë

19 Nëntor 2016, 09:57, Aktualitet CNA

Ish-ministri i Financave Arben Malaj, pas falimentimit së skemave piramidale në vend, u bën thirrje qytetarëve të tregojnë kujdes me investimin e parave në kompanitë online dhe të mos gënjehen nga fitimet joshëse të kompanive, pasi janë grepi për t?ju peshkuar dhe vjedhur çdo qindarkë.

Pas falimentimit të një prej kompanive online ?Easy Invest?, Malaj, nëpërmjet një statusi në rrjetet sociale, paralajmëroi për efekte negative zinxhir që nga individët, familjet, deri te investitorët, nëse nuk do të ndërhyhet në ndërgjegjësimin e qytetarëve nga autoritetet mbikëqyrëse.

Anëtari i Këshillit Mbikëqyrës të Bankës së Shqipërisë kërkoi krijimin e listës së zezë të kompanive grabitqare.

Postimi i Arben Malaj:

Te dashur miq ne fb, njoftimin e disa mediave dhe autoriteteve mbikqyrese per riskun e kompanive online qe po vjedhin kursimet tuaja duhet ta percillim tek cdo kolege dhe i afert. Keto kompani mashtruese po ju vjedhin parate, po u bejne me te varfer.

Kujdes, fitimet joshese jane grepi per tju peshkuar dhe vjedhur cdo qindarkë. Sa me te medha keto fitime teorike qe ju joshin ju aq me te madha, aq me vrastare dhe aq me te renda do te jene humbjet juaj. Kujdes parate tuaja dhe te aferme tuaj jane para nga shume sakrifica, mos u genjeni nga keto pretime, mos i merni parate e femijve dhe te ardhurave tuaja dhe ti investoni ne keto skema grabitese.

Bankat duhet te bllokojne perdorimin e kartave te kreditit dhe debitit te klienteve apo depozituesve te tyre per te investuar ne keto skema . Duhet te krijohen listat e zeza te kompanive grabitqare. Ndergjegjesimi publik duhet te jete aktiv edhe nga autoritetet mbikqyrese ne media e shkruar dhe TV.

Nje material konciz me shenjat paralajmeruese se mund te jeni viktem duhet te perdoret per ndergjegjesimin e cdo individi.Dikush mund te rekomandoj le ti leme keta individe te mesojne duke e pesuar / falimentuar, por ne kete rast kriza sociale si individe, familje dhe shoqeri eshte shume e rende dhe kur permasat rritet ajo demton rende kohezionin social te vendit tone.

Kompanite grabitqare vjedhin milionat, qinrda apo mijra individe/investiore humbasin kursimet e tyre. Keta te mashtruar i shtohen numrit te njerezve te varfer që rrit edhe barren e buxhetit te shtetit.

Falimenton kompania e parë online

?Easy Invest?, një nga kompanitë online që luante rolin e ndërmjetësuesit për investimin e parave në bursa, mbylli aktivitetin duke marrë me vete investimet e qindra kreditorëve në Shqipëri dhe Kosovë. Lajmi u njoftua nga kreditorët e kompanisë pranë ?Monitor?, të cilët janë braktisur që në korrik të këtij viti pa asnjë sqarim. ?Easy Invest?, që funksiononte si një platformë investimi online, në korrik të këtij viti mbylli uebin ?www.easyinvest.al? nën shënimin ?under construction?.

Gjithashtu, adresa fizike e kompanisë në rrugën ?Donika Kastrioti?, pallati 14, kati i parë në Tiranë, nuk i përket më kësaj kompanie. Kompania ka shpallur falimentin në Qendrën Kombëtare të Regjistrimit, duke kaluar në pezullim statusin e saj, që në korrik të këtij viti, por pa lajmëruar asnjë nga investitorët, duke lënë pas vetëm humbje. ?Easy Invest?, edhe pse nuk kishte marrë leje nga autoritet rregullatore në vend, si Banka e Shqipërisë dhe Autoriteti i Mbikëqyrjes Financiare, u regjistrua në QKR më 24 shkurt të këtij viti. /Citynews





Lajmet e fundit nga