E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

100 milionë euro për dixhitalizimin e institucioneve/ Përplasje mes PS-së dhe LSI-së

19 Nëntor 2016, 07:36, Aktualitet CNA

Projektbuxheti i vitit 2017 ka përplasur dy aleatët e qeverisjes, PS-në dhe LSI-në.

Gjatë mbledhjes së djeshme të Komisionit të Ligjeve, ku munguan deputetët e PD-së, oponencën buxhetit e ka bërë kryetari i Grupit të LSI-së, Petrit Vasili, shkruan gazeta ?Panorama?.
Deklarata e ministres së Inovacionit, Milena Harito, se, qeveria shqiptare ka shpenzuar në tri vite 100 milionë euro për dixhitalizimin e institucioneve, ka ngjallur reagimin e Vasilit.
?Në tri vite që kanë kaluar gjithsej këto janë shifra të nxjerra nga APP-ja për infrastrukturën dixhitale- janë shpenzuar nga shteti shqiptar rreth 100 milionë euro. Sigurisht këto shpenzohen nga institucione të ndryshme, nuk është se i shpenzon institucioni që drejtoj unë.Por për të pasur një ide se çfarë investon shteti për këtë infrastrukturë dixhitale, e cila është e domosdoshme, janë investuar nga buxheti i shtetit në tri vitet e kaluara rreth 100 milionë euro, në bashkitë, në institucionet e pavarura, të gjithë bashkë?, tha dje Harito.

Por reagoi menjëherë Petrit Vasili. Sipas tij, shuma e shpenzuar nga qeveria për të dixhitalizuar shërbimet është shumë e lartë.

?Ne sapo patëm mundësinë të dëgjojmë që në këto tre vjet, siç tha zonja ministre që pati mirësinë të referojë se 100 milionë euro janë shpenzuar në fushën e dixhitalizimit të shërbimeve. Në bindjen time, është një shifër shumë e rëndësishme dhe shumë e lartë. Është punuar kur unë drejtoja të bëhej dixhitalizimi i sistemit shëndetësor, që është ndër më të mëdhenjtë dhe që në tërësinë e tij kushtoi rreth 16 milionë euro. T?u themi qytetarëve që me 100 milionë euro, plus 30 milionë euro që kemi pas përpara, të gjetura të prokuruara pra janë 130 milionë euro, por çfarë gjërash na kanë mbetur dhe duhet t?i plotësojmë?! Të kishim 130 milionë euro për të bërë rrugë dhe kanale kulluese do ta kishim shpëtuar Shqipërinë nga shumë probleme që kanë të bëjnë me përmbytjet?, tha Vasili.

REPLIKAT
Ministrja e Inovacionit, pas këtyre kritikave, akuzoi ishqeverinë se para 2013-s kishte shpenzuar 40 milionë euro për të dixhitalizuar zyrat e regjistrimit të pasurive, por kishte dështuar me projektin dhe fondet e Bankës Botërore.

?Për t?ju dhënë një ide, para vitit 2013, nga Banka Botërore janë shpenzuar rreth 40 milionë euro për dixhitalizimin e zyrave të pasurive të paluajtshme, dhe ka qenë një dështim spektakolar. Nuk ka pasur asnjë produkt për këto 40 milionë euro. Sot që po flasim, ZRPP, nën drejtimin e ministrit Manjani, po e bëjnë këtë gjë vetëm me shumë më pak shpenzime, duke marrë në punë një numër njerëzish që hedhin të dhëna dhe duke realizuar vetë atë që nuk u realizua dot para 2013-s, me një vlerë prej 40 milionë eurosh?, tha dje Harito.

Por Petrit Vasili hodhi poshtë pretendimet e ministres, duke thënë se informacionet e saj ishin të pavërteta.

?Për sa i përket kësaj çështjeje, nuk është kështu siç thoni ju dhe s?mund t?ju bëj as fajtorë për këtë gjë, sepse sigurisht është çështje informacioni dhe mund të mos jua kenë përcjellë tamam. Unë kam qenë në tavolinë kur është bërë diskutimi dhe ka qenë më i vogël fondi i Bankës Botërore. Nuk ishte 40 milionë, por ishte shumë më pak, dhe pikërisht ngaqë nuk shteronte çështjen, qeveria shqiptare e asaj kohe vendosi të marrë një kredi nga Qeveria austriake, me terma të njëjtë të Bankës Botërore dhe u gjykua që Banka Botërore të tërhiqej. Është mirë të jemi korrektë me të gjitha administratat, edhe ata që ishin dhe ata që do të vijnë, sepse sa herë që ndërrojmë administratat, mund të fajësojmë njëri-tjetrin për ato që vërtet janë faje, por ato që s?janë faje, pse tua themi. Pra nuk kanë qenë 40 milionë dhe këtë mund ta verifikoni?, u shpreh dje Vasili.

Pas kësaj replike ministrja Mirel Harito nuk i vazhdoi replikat me Vasilin. /Citynews