Përgjimi i ministrit/ Astrit Patozi flet për citynews: Suksese në jetë Ilir Beqaj !

16 Nëntor 2016, 20:46, Aktualitet CNA

Deputeti i Partisë Demokratike, Astrit Patozi, ka reaguar pas publikimit të audio-përgjimit të ministrit të Shëndetësisë, Ilir Beqaj në emisionin investigativ ?Stop?.

Në një prononcim për citynews, Patozi shprehet se është luks i madh që ministrin e akuzuar për megaskandale ta akuzosh sot për shpërdorim detyre. Sipas tij, kjo e sotmja është shumë e vogël në krahasim me korruspionet e kryera nga ministri Beqaj.

?Eshtë luks i madh që dikush nga opozita të merret sot me arsyet e shkarkimit nga detyra të një socialisti nga Tropoja, pasi ky i fundit ka përgjuar telefonatën me ministrin e vet. Aq më tepër, kur në “scoop-in” e transmetuar, cuditërisht, nuk ishte kapërcyer pothuajse aspak etika dhe kodi i mirësjelljes. Është luks i madh që ministrin e megaskandaleve të korrupsionit të kësaj qeverie në këto tre vjet ta akuzosh sot për shpërdorim detyre, se ka hequr nga puna një militant të partisë së vet, i cili nuk i paska shkuar në mbledhje. Është më shumë se luks, mendoj unë, që këtë qeveri, e cila po i bën gjëmën cdo ditë vendit, gati në cdo aspekt, ta “kryqëzosh” për emërime dhe shkarkime politike brenda mazhorancës?, u shpreh Patozi për citynews

Më tej, deputeti i PD ka ironizuar me ministrin Beqaj duke i dërguar një pjesë nga përgjimi, ku Ilir Beqaj i drejtohej vartësit Çlirimi Hajdarmataj me fjalët: Suksese në jetë, duke nënkuptuar shkarkimin e tij.

“Sepse ndoshta mund të jetë rasti i vetëm, kur Ilir Beqja ka bërë një punë si ministër dhe buxhetit të shtetit nuk i kanë fluturuar qindra mijëra apo miliona euro. Saqë më vjen ta përgëzoj, se të paktën për këtë rast nuk kam ndonjë motiv të fortë si deputet i PD për t’u marrë me të. Por po të isha pa punë dhe qejfli përgjimesh, mbase do t’ia vlente vërtetë. Ndaj për këtë rast “suksese në jetë Ilir Beqja! Nesër flasim ndryshe”.?, përfundon Patozi

Audio-përgjimi mes ministrit Beqaj dhe vartësit të tij Çlirim Hajdarmataj u publikua sot nga emisioni investigativ “STOP”. Beqaj ka shkarkuar Hajdarmataj për shkak se nuk ishte i pranishëm në një mbledhje partie në Tropojë. Hajdarmataj mbante postin e Kryetarit të degës së Fondit të Sigurimeve të Kujdesit Shëndetësor në qytetin e Tropojës. /citynews