Arben Duka letër Ardian Thanos të Ditës/ Agron Duka burrë XXL

19 Tetor 2016, 17:30, Aktualitet CNA

Publicisti Arben Duka i ka drejtuar një letër kryeredaktorit të gazetës Dita, Ardian Thano. Ai thekson se Agron Duka kreu i PAA është njëri I masës XXL në të gjitha aspektet. Letra e publicistit Arben Duka ka ardhur pas një publikimi në gazetën Dita një ditë më parë të një tjetër letre kundër kreut të PAA. Arben Dukën me Agron Dukën i bashkon vetëm mbiemri ata nuk kanë asnjë lidhje qoftë edhe fisnoreë më njëri tjetrin. Duka i publicistikës këtë herë ka zgjedhur të mbrojë Dukën e politikës duke folur hapur se do jetë edhe një nga të pranishmit e konventës të afërt të PAA.

Letra e plotë e Arben DUKËS

I dashur Thano!

Dje në faqen e letrave nga populli kishte një shënim të shkurtër nga inxhinier Flamur Meta kundër Agron Dukës. Nuk e shoh të udhës që ne t?u vëmë bisht gjithë kundërshtarëve të Edi Ramës. Agron Dukës unë ja di çdo lëvizje të detyruar politike. Dihet arsyeja se përse ai iku nga Partia Socialiste. Me kontribute të shquara në opozitë dhe si shefi i Departamentit të Bujqësisë në Partinë Socialiste e pa veten jashtë listës së kandidatëve të Qarkut Durrës, kur mendohej se do të qe i pari ose i dyti. Kjo gjë ju bë e ditur 24 orë para mbylljes së afatit të regjistrimit në KQZ. Por ai kish një karrierë të spikatur politike, që askush nuk kishte të drejtë t?ia ndërpriste në mes. I promovuar si prefekt e ministër bujqësie, është pushtetari më i papërfolur dhe kudo i nderuar e i respektuar maksimalisht.

Duke e pasur politikën pasion konkurroi në Partinë Agrare Ambientaliste dhe u zgjodh Kryetar. Agron agron-duka- Duka si profesionist i spikatur është në partinë e duhur, pavarësisht rreshtimit aktual, rreshtim që gjithmonë mund të ndryshojë. Agron Duka është burrë i denjë dhe me integritetin më të lartë, me karakterin më të çeliktë. Agron Duka është burrë i masës XXL (EKSTRA-EKSTRA-LARGE) dhe nuk i përket skotës së personave të përmendur nga Flamuri. Duke konkurruar në Kolonjë ai po promovon Partinë Agrare Ambientaliste, që po e organizon në çdo qelizë si një parti moderne. PAA-së i janë bashkuar emra të njohur të politikës si Marko Bello, Gazmir Bizhga, Ndre Legisi e të tjerë. Në datën 22 Tetor ora 10.00 Partia Agrare Ambientaliste zhvillon Konventën Kombëtare si kohë për zgjidhje para zgjedhjeve. Jam i ftuar në këtë Konventë dhe do të shkoj për respekt të mikut tim fisnik, dhe politikanit që s?i ka dalë emri as për një qindarkë. Pikërisht për të gjitha këto shënimi i Flamurit është i nxituar dhe i paargumentuar. Është fat të kesh një mik si Agron Duka, një njeri që çliron gjithnjë energji pozitive. PAA-ja do jetë një parti me të ardhme, mbasi ka në drejtim politikanin më të drejtë dhe më të ndershëm. Unë i uroj vetëm të mira dhe suksese dhe nëse do isha më mirë me shëndet do isha pa mëdyshje në krahun e djathtë të Agron Dukës.