E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Publikohen donatorët e fushatës elektorale të Clinton/ Nuk mungojnë Rama dhe Partia Socialiste

18 Tetor 2016, 09:10, Aktualitet CNA

Wikileaks ka publikuar emrat e donatorëve të fushatës elektorale të Hillary Clinton ku ndër të tjerë figuron dhe Partia Socialiste e Shqipërisë. Marrja e informacionit është bërë e mundur pas hakerimit të e-mailit të John Podesta, drejtuesi i fushatës elektorale të kandidates demokrate.

Në shkëmbimin e e-maileve shihet dhe përpjekja e ish sekretares amerikane të shtetit për të mbledhur sa më shumë fonde. E një prej donatorëve të shumtë është dhe Partia Socialiste e Shqipërisë.

Wikileaks ka publikuar një shkëmbim e-mailesh për fushatën që nga Prilli i 2015-ës ku shihet qartë një domosdoshmëri për të pranuar sa më shumë donatorë, qofshin këta qeveri të huaja apo përfaqësues të tyre.

Nën titullin: ?Merrni paratë tuaja?, Wikileaks shkruan se çështja ka të bëjë me justifikimin dhe lejen për të pranuar donacione të huaja, raporton Citynews.al.

Debati përfshin vende të huaja që kanë qenë klientë me influencë dhe me lidhje me drejtuesin e fushatës së Clinton, John Podesta dhe Grupit të tij Podesta si dhe anëtarë të tjerë të këtij grupi.

Zinxhiri i e-maileve nis me një kërkesë të Dennis Cheng, drejtuesi financiar kombëtar i ?Hillary for Amerika?, i cili shkruan se është vërtet nevoja për marrjen e një vendimi politik sa më shpejt nëse do lejohet lobimi tek qeveritë e huaja për marrjen e donacioneve. Në fund u vendos që të merreshin para, pavarësisht se nga vinin dhe të tregohej kujdes që ky lajm të mos dilte në media.

Përveç Partisë Socialiste të Shqipërisë në listën e donatorëve të huaj ndaj të cilëve është lonuar për marrje fondesh janë dhe ambasada e Panamasë, organizata japoneze për tregtinë e jashtme, qeveria e Maqedonisë, qeveria Serbe, agjencia për investime të jashtme e Kolumbisë, ura e fondeve për qeverinë e tranzicionit në Libi, Grupi Afrikan i konsultimit, ambasada e Japonisë, Republika Federale e Somalisë, Republika e Shqipërisë, Këshilli i Sigurisë Kombëtare i Gjeorgjisë, qeveria e Egjiptit si dhe ajo e Koresë së Jugut. /Citynews