E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ekskluzive/Gjykata pranon kallëzimin penal të Kastriot Myftarajt ndaj Ballist Morinës

14 Tetor 2016, 18:07, Aktualitet CNA

Nga Kastriot Myftaraj

Sot, Gjykata e Apelit në Tiranë ka vendosur pranimin e ankimit tim, duke rrëzuar vendimin e Gjykatës së Shkallës së Parë të Tiranës, që linte në fuqi vendimin e Prokurorisë së Tiranës për mosfillimin e procedimit penal ndaj Ismail Morinajt, i njohur si Ballist Morinaj dhe moskryerjen e hetimeve sipas të dhënave që i kisha ofruar unë në kallzimin tim penal. (Madje Prokuroria e Tiranës nuk kishte kryer asnjë lloj hetimi.)

Me vendimin e sotëm të Gjykatës së Apelit në Tiranë, që është i formës së prerë, Prokuroria e Tiranës detyrohet të kryejë hetime për dërgimin e dronit në stadiumin ?Partizani? të Beogradit, në 14 tetor 2014, në ndeshjen Serbi-Shqipëri, të marrë në pyetje Ismail Morinajn, mbi bazën e fakteve që i kam ofruar unë, si dhe detyrohet që t? i kërkojë Prokurorisë së Serbisë, në pajtim me ligjet ndërkombëtare që rregullojnë marrëdhëniet mes institucioneve hetimore kastriot myftaraj të shteteve të ndryshme, të dhëna që ndihmojnë për mbarëvajtjen e hetimit.

Në gjyqin e sotëm unë theksova se qëllimi im nuk është ta arrestohet Ismail Morinaj, por të pyetet, për shkak se ai e ka marrë përsipër publikisht ngritjen e dronit. Unë jam në gjendje që i ballafaquar me Ismail Morinajn para prokurorëve, t? u vërtetoj atyre teknikisht se ai nuk është autori i ngritjes së dronit.

Në gjyqin e sotëm unë theksova se Prokuria e Shqipërisë, e cila ka tagrin kushtetues të kryejë hetime në emër të shtetit shqiptar, ka të drejtën dhe detyrimin që në emër të shtetit shqiptar, që u akuzua botërisht nga Serbia me një notë proteste diplomatike nga Qeveria e Serbisë, për akt terrorist shtetëror, t? i kërkojë homologes serbe provat për të kryer hetime për këtë çështje, aq më tepër që pala serbe nuk ka vullnet të kryejë asnjë hetim. Do të mjaftonte që pala shqiptare të kërkonte videoregjistrimet e videokamerave që mbikqyrnin hapësirën përreth stadiumit në anën e kishës, dhe do të dilte e vërteta se ai nuk ka hypur në çatinë e kishës për të ngritur dronin prej atje siç ka mëtuar Morinaj.

Shkurt, një kërkesë për prova specifike e Prokurorisë së Shqipërisë, do ta vinte palën serbe në pozitën që do të pohonte fajësinë e saj, duke refuzuar t? i japë këto prova./ (Shkruar per Citynews)