web counter
LEXO PA REKLAMA!

SHKARKO APP

App Store
Google Play

E fundit!

x

Intervista - Ilir Kulla komenton vizitën e Ilir Metës në Athinë/ PDIU, pakënaqësi të kuptueshme ndaj Metës

12 Tetor 2016, 12:14, Aktualitet CNA

Analisti Ilir Kulla në një intervistë për Citynews ka komentuar vizitën e kryetarit të Kuvendit të Shqipërisë Ilir Meta në Greqi. Ai i quan të kuptueshme  pakënaqësitë ndaj Metës. Kulla e quan të rëndësishme këtë vizitë dhe Ilir Metën si njeriun që i dha PDIU-së nënkryetarin e Parlamentit.

Si e komentoni vizitën e Ilir Metës në Greqi?

Është një vizitë shumë e rëndësishme dhe në kohën e duhur. Mos harrojmë në Greqi jetojnë 1 milionë shqiptarë dhe është partneri nr. 1 tregtar i Shqipërisë. Gjithashtu ndryshimet e mëdha politike të viteve të fundit sjellin nevojën e energjive të reja politike në marrëdhëniet dypalëshe dhe natyrisht shumë punë, pasi pavarësisht përmirësimit të marrëdhënieve egzistojnë ende shumë çështje për t?u zgjidhur të cilat ngelen pezull si çështja e Ligjit të Luftës, e pronave të shqiptarëve në Greqi, çështja çame dhe nga ana tjetër komuniteti i minoritetit grek në Shqipëri është shumë i rëndësishëm për zhvillimin e marrëdhënieve dypalëshe.

Gjuha e Metës ishte vetëm diplomatike apo kishte të tjera mesazhe?

Gjuha e Metës ishte gjuhë politike, pasi normalisht ai është politikan. Është edhe gjuhë diplomatike, pasi nënkuptohet ai ishte në vizitë zyrtare dhe karakteri i këtyre vizitave është diplomatik.

Pse PDIU po e sulmon dhe kritikon vizitën e Metës në Athinë?

Nuk kam parë sulm nga ana e Partisë Socialiste dhe kam vënë re një hatërmbetje të shprehur nga ana e PDIU-së. Është e kuptueshme që PDIU gjen hapësira për pakënaqësi që janë të kuptueshme, por nga ana tjeter nuk mund të harrojë që pa Metën PDIU sot s?do kishte nënkryetarin e Parlamentit të Shqipërisë dhe që ka një histori të gjatë personale politike të Ilir Metës në promovimin e çështjes çame. /Citynews.al





Lajmet e fundit nga