web counter
LEXO PA REKLAMA!

SHKARKO APP

App Store
Google Play

E fundit!

x

Video-Gjobë, shantazh apo çfarë?/Pse STOP nuk publikon videon e kryetarit të gjykatës?!

12 Tetor 2016, 10:51, Aktualitet CNA

Dy javë më parë emisioni STOP në TV Klan publikoi një video në lidhje me korrupsionin në Prokurori. Video e cila më shumë u duk e realizuar nga policia dhe stafi i emisionit po i bënte një ?qokë? ministrit të brendshëm Saimir Tahiri, që kishte servirur videon.

Më tej, rezultoi se akuzat që emisioni ngrinte ndaj prokurorit të ishin shashka, sepse ai nuk ishte në asnjë moment të videos, i vetmi ishte një oficer i policisë gjyqësore, por në fakt emisioni nuk akuzonte personin në flagrancë por prokurorin. Çudia më e madhe 3 ditë zgjat, gjithçka shkoi në hetime, emisioni bëri zhurmën, prokuroria po heton denoncimin e servirur nga Tahiri dhe transmetuar nga Saimiri (i Stop sot, dje i Ça thu, pardje i Fiks Fare).

Pas emisionit Stop, Kodra dhe kolegu i tij Gent Zeneli dolen në emisionin Opinion të Blendi Fevziut. Live në emision si do e shikoni në videon e mëposhtme Saimir Kodra deklaron se STOP ka një video të një kryetari gjykate i cili kërkon favore seksuale për të dhënë një vendim. Më tej ai deklaron se video do publikohet të hënën në datën 3 tetor. Por Fevziu i kërkon ta shtyje një ditë dhe Saimiri pranon të martën. Dje ishte e marta e dytë dhe video e gjykatësit ende nuk është shfaqur.

Qëndrimi i Saimirit në emision është ose shantazh, ose gjobë, ose se ka fare videon, ndoshta duhet të presim edhe pak sa tja çojë dikush videon. Gjithsesi të presim e të shohim, të shpresojmë që ky nuk është një nga ato rastet e kazanit të kryeministrit Rama që e artikulon shpesh e më shpesh në publik./Citynews

 





Lajmet e fundit nga