web counter
LEXO PA REKLAMA!

SHKARKO APP

App Store
Google Play

E fundit!

x

Ademi: Funksionet nuk janë trasferuar plotësisht/ Nuk respektohen kriteret për shpërndarjen e fondeve

12 Tetor 2016, 06:36, Aktualitet CNA

Kryetarja e Bashkisë së Shkodrës, Voltana Ademi ka deklaruar se pavarësisht reformës administrative territoriale, ende nuk janë transferuar plotësisht funksionet për njësitë vendore. Ajo e bëri këtë deklaratë përmes telefonit në studion e emisionit ?Ekopolitikë? të gazetares Aurora Sulçe.

?Nuk bëhet fjalë për një transferim të plotë të funksioneve. Flasim për përgjegjësi. Bëhet fjalë për pagesat që kryhen për pagat, sigurimet shoqërore. Shpenzime shumë të vogla operative, pjesës që lidhet me shërbimin e zjarrfikësve, kullimit, mirëmbajtjes së pyjeve, etj. Kjo i ka vënë në vështirësi bashkitë. Një nga problemet më të mëdha, është shpërndarja e fondit të rajoneve?, tha Ademi.

E pyetur nëse ka qenë shpërndarje politike e financimeve, ajo u përgjigj: ?Bashki të ndryshme marrin shumë më shumë fonde se disa bashki të tjera. Nuk respektohen kriteret. Duke qenë se nuk ka vlerësim teknik të kritereve të projekteve që ne aplikojmë dhe nuk ka një ?feedback? ana e qeverisë, mendoja të shkon në një ndarje të qartë politike. Po të krahasosh bashki me të njëjtin numër popullsie diferenca është e qartë?.

Ademi tha se disniveli është lehtësisht i dukshëm në drejtim të financimeve.

?Po të krahasosh Shkodrën, Fieri dhe Elbasanin me bashki të tjera si Korça, dhe mund të shihni lehtësisht se ka një disnivel të jashtëzakonshëm. Krahasoni Kamzën që ka problematika të mëdha jo vetëm për infrastrukturën?, theksoi Ademi. /Citynews.al

 





Lajmet e fundit nga