web counter
LEXO PA REKLAMA!

SHKARKO APP

App Store
Google Play

E fundit!

x

A ia vlen të votohet PD-ja?

12 Tetor 2016, 21:17, Aktualitet CNA

Kur një shoqëri fillon diskutimin mbi gjendjen e opozitës, nëse ia vlen apo jo të votohet për të, kjo dmth se ajo shoqëri i ka mbyllur hesapet me pushtetin dhe pret t’i ofrohet një alternativë tjetër. Kjo ka ndodhur tashmë në Shqipëri. Shoqëria shqiptare nuk e pranon më pushtetin e rilindjes socialiste, ndaj ka filluar diskutimin nëse ia vlen apo jo të votohet për Partinë Demokratike.

Ne këto kushte, ne si demokratë nuk mund të presim që të votohemi për hatër, se shqiptarët nuk kanë më nerva për eksperimente e nuk duan të luajnë zara bixhozi me të ardhmen e tyre. Këto 25 vite pluralizëm i kanë zhgëjyer mjaftueshëm qytetarët shqiptarë, sa për të pasur të drejtë të mos besojnë.

Ndaj alternativa e PD-së, duhet të fillojë që nga reformimi i gjuhës në publik. Shqiptarët kanë nevojë për një gjuhë më të ngrohtë, për një mënyrë komunikimi që potencon respektin e njerëzve për njani-tjetrin, për jetën, pasurinë e të drejtat e njani-tjetrit. Ka nevojë shumë Shqipëria për ketë frymë, sepse po jeton në një gjendje depresioni e armiqësire të egër shoqërore, ku njerëzit nuk po kanë asgjë të shenjt. Alternativa duhet të kalojë tek një program i qartë politik, jo manifest, jo pamflet me prioritete por qëndrime të forta, djathtas, mbi mardhëniet shtet-qytetar, mbi çlirimin e Shqipërisë nga një superstrukturë shteti që ka nën kontroll gjithçka. Që vendos kush bën biznes e kush falimenton, kush do ketë sukses e kush do të dështojë. Pra liri.

Premtimi i Madh i PD-së duhet të jetë lufta që qytetari shqiptar të mundet të jetojë pa ia pasur nevojën shtetit, jo një shtet po ky që është, thjesht shoqëruar me premtimin se ne do jemi më të mëshirshëm në grahjen e tij. Se kur njeriu ka pushtet të pakufi, abuzon, pa dyshim.

Si përfundim, PD-ja ia vlen të votohet, sepse në 8 vjet qeverisje i ka dhënë Shqipërisë elementët që përbëjnë civilizimin. I ka dhënë rrugë, energji, ujë, lëvizje të lirë, rritje të tregtisë, pasurim, zvogëlim shteti, një qeverisje më bashkëkohore; se fundja këto janë elementët e një vendi të civilizuar. Dhe këto arritje nuk janë mundësuar vetëm nga kryeministri por dhjetra e qindra gra e burra, djem e vajza që kanë punuar shumë dhe të cilët janë përsëri pjesë e PD, të gatshëm për të punuar përsëri. Por ketë e dimë ne si demokratë, kurse qytetarët e këtij vendi, duhet t’i bindim për atë çka dimë.

Eshtë detyra jonë t’i bindim, nuk është detyra e qytetarëve të na besojnë verbërisht./Indrid VOKSHI





Lajmet e fundit nga