web counter
LEXO PA REKLAMA!

SHKARKO APP

App Store
Google Play

E fundit!

x

Reforma zgjedhore/ Nga Denion MEJDANI

12 Tetor 2016, 15:59, Aktualitet CNA

Shumë dredharak, deri mohues ndaj premtimeve të mëparshme; pa një përmbajtje të vërtetë, deri dhe i stisur është reagimi rilindas, nëpërmjet z.Balla, ndaj reformës zgjedhore! Dhe kjo kur kanë mbetur vetëm dy muaj! Dhe, mesa duket, qëllimi është shtyrja e ?premtimeve solemne kryeministrore? në kalenda greke! Në fakt, votimi elektronik vërtet dështoi, në pikëpamje teknologjike, para 3 vjet e gjysmë, por PS-ja që e kërkoi atë projekt- pilot me aq ngulm për ato zgjedhje nuk vazhdoi më tej zhvillimin e testimin por thjesht e varrosi atë me shumë gëzim sapo erdhi në pushtet. Sepse ta kishte seriozisht do ta trajtonte që në fillim të mandatit të saj, kur për çdo ndryshim të madh apo reformë të vërtetë i kishte votat e duhura në kuvend. Dhe tani, pas tre vjet e ca, na thotë që s?ka më kohë dhe kjo është e kuptueshme pse nuk i intereson më. Siç nuk i intereson aspak funksionimi i ndarjes së re administrative, që vetëm po thith fonde, dhe që vazhdon të vështirësojë jetën e banorëve në këto zona, sidomos ato të komunave të mëparshme. Por, ama, e rëndësishme është që, me atë lloj reforme, krejtësisht të papërgatitur nga ana ligjore e strukturore, qeverisja e ka ndryshuar konfigurimin zgjedhor në favor të rilindjes.

Të paktën, kështu, kuptohet nga qëndrimet e opozitës. Sigurisht nuk i intereson dhe financimi i limituar dhe transparent, që nuk lejon derdhjen e parasë së pisët të korrupsionit, drogës krimit administrativ dhe evazionit individual. U pa kjo qartë, edhe pse në miniaturë në Dibër, edhe tani plani është për të gjithë Shqipërinë. Ndërkohë, Balla së bashku me Veliajn, edhe pse kaluan mbi 3 vjet qeverisje, i kanë harruar fare emigrantët, votën e tyre. Dhe, tani, ata tregojnë, pa më të voglën përkujdesje të deritanishme ndaj ekzistencës dhe shpërndarjes së tyre, se si duhet të merret vota e emigrantëve dhe se sa profesional dhe i paanshëm është personeli i sistemit të postave dhe i shërbimit diplomatik, qoftë dhe pas kalimit disahershëm të fshesës partiake.

Në të vërtetë, këta zotërinj rilindas që, për 8 vjet në opozitë, i ranë kusive e tenxhereve për zgjedhje të lira e të ndershme, deri kërkuar dhe ?qiqra në hell? pak muaj para zgjedhjeve të atëhershme, sot, natyrisht, teksa kanë lejuar apo mbjellë çdo pëllëmbë me hashash dhe të infektuar me plehra, mbasi kanë korruptuar çdo hallke të shtetit dhe kanë nënshtruar çdo pushtet të pavarur, nuk duan më një proces zgjedhor rigoroz, të lirë e demokratik, të pamanipulueshëm e transparent. Bile, po të nisemi nga apatia ndaj zgjedhjeve të kryetarit në parti, deri tek referendumi absurd për mos zgjedhje të tij, atëherë kuptohet se klani rilindas thjesht kërkon që të ruajë pushtetin, pse jo dhe ta marrë atë praktikisht në tavolinë, si një e drejtë e trashëguar moniste e tij.





Lajmet e fundit nga