web counter
LEXO PA REKLAMA!

SHKARKO APP

App Store
Google Play

Reforma në Drejtësi/ Sot votohet paketa e ligjeve në Kuvend

6 Tetor 2016, 06:31, Aktualitet CNA

Paketa e ligjeve për reformën në drejtësi do të votohet sot në seancën e Kuvendit. Në rend dite të seancës së sotme është shqyrtimi dhe miratimi i 6 ligjeve nga 7 që përmban paketa e emergjencës që bën të mundur zbatimin e reformës në drejtësi.

Ligji i njohur si i Vettingut, ndryshe për rivlerësimin e gjyqtarëve dhe prokurorëve, është një nga 7 ligjet e paketës që u miratua më herët në Kuvend vetëm me votat e mazhorancës.

Opozita e kundërshtoi duke e konsideruar antikushtetues. Dhe për këtë, gjatë ditës së djeshme, PD ankimoi ne GjK duke kërkuar pezullimin e ligjit vetëm dy ditë para se të hynte në fuqi.

Lidhur me 6 ligjet e tjera që pritet të miratohen sot, demokratët deklaruan një ditë më parë votë unanime vetëm për një prej tyre, ligjin për SPAK.

Për 5 ligjet e tjera përfshirë atë të qeverisjes së sistemit gjyqësore, kryetari i opozitës Lulzim Basha paralajmëroi ankimim në Gjykatë Kushtetuese.

Basha tha se ndryshe nga 6 ligjet e tjera të paketës së reformës në drejtësi, ligji për strukturën e posacme antikorrupsion  është në përputhje me standardin që Partia Demokratike ka kërkuar që prej ditës së parë, ndërsa theksoi se e nesërmja  do të jetë ditë makthi për çdo zyrtar të korruptuar dhe të lidhur me krimin. /Citynews.al

 





Lajmet e fundit nga