web counter
LEXO PA REKLAMA!

SHKARKO APP

App Store
Google Play

Shenim/Ku do shkoje Ben Blushi?

5 Tetor 2016, 15:40, Aktualitet CNA

Tashme eshte ish-deputet socialist, i larguar nga partia e tij sepse ate e rrëmbeu Rilindja, e cila sipas Blushit kishte vdekur, por në fakt ajo eshte gjalle dhe e deboi Benin nga gjiri i saj.

Ben Blushi e ka herën e dytë që rebelohet. Të parën me LMN, nuk i shkoi deri në fund e gjeti pazarin me Edi Ramën, për më tepër i shërbeu Rilindjes në vitin 2013. Ai nuk është ?pa faj? për këtë Rilindje, ai ka mbledhur vota dhe ka kryesuar një listë në Qarkun e Elbasanit.

Por këto kanë kaluar, tani Ben Blushi u largua, me autokritikë dhe ka premtuar një parti të re. Së bashku me të duket vetëm deputetja Mimoza Hafizi dhe askush tjetër. Blushi është ende tek fjalët në parlament, shan Rilindjen, shan Saliun dhe ikën. Ndonjëherë ka edhe furça për Ilir Metën.

Me sistemin zgjedhor që kemi, i cili ka jo pak, por aspak gjasa të ndryshojë Ben Blushi, është në një udhëkryq.

Sistemi kërkon të kesh koalicion, që vështirë se Blushi do e bëjë vetë. Ai ka deklaruar se nuk shkon tek Rama dhe Berisha. PS dhe PD janë Rama dhe Berisha-Basha. Pra nuk do ta kemi në asnjë nga koalicionet e mëdha. Ai ka vetëm dy zgjidhje ose të shkojë në koalicion me Ilir Metën në rast se ky i fundit del vetë në zgjedhje, ose të garojë si subjekt i lirë politik.

Në rast se Meta del me Ramën Ben Blushi ka përballë një problem të madh. Atij nuk ka kush tja ruajë dhe numërojë votat. Këtë nuk e bën PD si me Ilir Metën në 2009. Pra Ben Blushit, nuk ka kush tja japë rezultatin e saktë. Në tavolina do ketë shumë ?firo? dhe këto mund ta çojnë në një humbje të pamerituar. Sistemi i ri i shkatërron partitë e reja ndaj dhe të dyja palët e duan. Ben Blushi nuk ka uragan nga pas, ai është një fllad i lehtë demokracie që nuk e rrëzon dot këtë sistem. Beni mund të ecë vetë, por i vetëm nuk bën dot asgjë, është i destinuar të dështojë.





Lajmet e fundit nga