web counter
LEXO PA REKLAMA!

SHKARKO APP

App Store
Google Play

Vazhdon protesta kundër importit të plehrave

1 Tetor 2016, 10:30, Aktualitet CNA

Të vendosur në bulevardin ?Dëshmorët e Kombit? para selisë së kryeministrisë protestuesit, aktivistë të shoqërisë civile dhe qytetarë kanë protestuar për ligjin e importit të mbetjeve.

Besjan Pesha nga nisma Thurje, një nga nismëtarët e protestës tha se kjo është një betejë qytetare dhe e asnjë partie politike.

?Kjo nuk është një betejë qytetare, kjo nuk është betejë e asnjë partie politike, sepse të gjitha partitë politike kanë votuar një herë pro plehrave, por ata të cilët kanë bërtitur dhe kanë thënë jo gjithmonë kanë qenë qytetarët. Prandaj, kjo është një protestë qytetare dhe vetëm qytetare. Ne i themi JO, JO, JO! A e dini pse i marrin këta këto vendime? A e keni vrarë ndonjëherë mendjen? Jetojmë në ca rezorte të mbyllura me mure të larta. Kanë filluar të blejnë shtëpi jashtë Shqipërisë. Fëmijët i çojnë me studime jashtë. Këta nuk jetojnë në Shqipëri, por vendimet i marrin në kurrizin tonë?, theksoi Pesha.

?Kjo protestë ka për qëllim që të na zgjojë kurajën qytetare që të mos mblidhemi më si militantë të forcave politike. Kjo është një e drejtë kushtetuese që e kanë keqpërdorur politikanët tanë.

Ka ardhur koha që ne të veprojmë për të ardhmen e fëmijëve tanë. Ne jemi këtu jo për ndonjë luftë politike, nuk i shërbejmë asnjë partie politike. Ne jemi këtu për ta detyruar politikën shqiptare që të dëgjojë zërin dhe vullnetin e popullit?, tha një tjetër përfaqësuesve të shoqërisë civile. /Citynews.al

 





Lajmet e fundit nga