RILINDJA DHE DOSA E PROVERBIT

1 Tetor 2016, 09:26, Aktualitet CNA

Nuk është fjala për për personazhet e Orwellit, qe ka të bëjë me “diktatoreshat” , …e as me kryediktatorin apo diktatorucët e fermes. Ohu…eshtë e pamoshë në folklorin tonë proverbialja e dosës. E pa promovuar në leteraturën e kënduar për arsye ndoshta banale, ndoshta puritaniste, gjallon në përditëshmërinë tonë, silogjizmi verbal se si dosa betohej përditë se nuk do ta fuste kurrë hundën e saj në fekale. Por betimin e thyente tinëz, sepse edhe ndersa betohej, zotohej e premtonte, të gjithë ia shikonin mbeturinat e “sillës mbi feçkë…dhe ka mbetur, “…hajt mo, si betimi i dosës se nuk ha m…”

Domosdoshmërisht lakonia jonë popullore e ka mpiksur në proverbë, një nga mençuritë e veta dhe breznive të sotme ju mjafton vetëm kumti; “çmerresh me shërimin e vesit të tjetrit…, do kohë e shumë e nerva…” Mirëpo askush nuk e ka hulumtuar proverbin tonë kaq brilant, po të neglizhuar. Psh, pse “dosa” e proverbit, nuk i mbante premtimet: Prej vesit të rrenës? Ndoshta. Prej urisë së shfrenuar? Mundet. Mos duke qënë nikoqire e madhe, donte të ruante ndonjë send për gicat e nesërm, që ata të mos i pëmirrnin feçkat? Probabile. Ka një javë, po veç një javë ama, që shqiptarët masivisht, mbi feçken e “rilindjes”, kanë parë ca mbeturina të “sillës” klandestine. Para kësaj jave kishte zëra që vinin ngamos; -shikoni, dosa jonë politike po rren.

Mirëpo kishte po kaq shumë e mos më shumë që perbetoheshin se “feçka” e rilindjes eshtë “xhom fare…” Sigurisht askush si vinte re faculetat mbaronin shpejt, sepse ishin gazetat, madje jo vetëm gazetat, po dhe mediat e tjera, deri dhe ambasadorë, ia fshinin turirin “dosës” sonë politike. Turiçka, “xhom fare…” Thonë që shqiptarët janë ngritur në protesta sot… Megjithëse eshtë ngjarje “e modhe”, unë mendoj të merrem me hulumtimet lidhur me pse-në, jo të dosës se proverbit, po të dosës sonë politike. S’më intereson as justifikimi i përmjerrjes as i mospërmjerrjes së feçkës rilindase. ( intelektualët vetëm konstatojnë…, flasim për ne shqiptarët) Ja disa halle të dosës genjeshtare; – borxhi publik i’u trash kaq shumë “rilindjes” nga 62% e çoi në 75%, pa riparuar a zevendësuar qoftë dhe një tra nga kasollja. Tani kasollja, me një të shtyme ere, do i zërë gicat brenda -borxhi tjetër ai i bizneseve ndaj shtetit i po i këput qafën vigane “rilindjes”, vetëm në 3 vitet rilindase, ky eshtë dyfishuar progresivisht krahasuar me shumën e 22 viteve paraardhëse. – bletët punëtore të doganave, janë korruptuar keq, pas lulkave të retorikës. Dhëntë dreqi një kokërr pjalmi nuk e sjellin në kasollen e përbashkët -investitori që do te zbuste ca halle ushqimi, mori ca grushte e shqelma, dhe iku nga sytë këmbet me gjithë lemoshat, duke marre me vete edhe shumë të tjerë -disa “balonave” që sjellin ndonjë valixhe me “koncentrat” jo vetëm po ju thyhet rrota, por jane ca interpole, e shtete keqdashëse, në bashkëpunim me armiqtë e brendshëm, që po rrënojnë berqetin e vjeshtës… Epo të gjendesh në këso halli, si mund ti shpëtosh halesë… …merrni vesh ju shqiptarë që dilni në protesta…? ZEF ZEFI