web counter
LEXO PA REKLAMA!

SHKARKO APP

App Store
Google Play

E fundit!

x

Nis punimet Shkolla Verore Europiane në Tiranë

26 Shtator 2016, 08:44, Aktualitet CNA

Sot në ambientet e Kryesisë së Kuvendit u çel raundi i parë i Shkollës Verore Evropiane, e organizuar nga Këshilli Kombëtar i Integrimit Evropian, në partneritet me ?College of Europe?, Rrjetin e Informimit të Bashkimit Europian dhe Fondacionin Shoqëria e Hapur për Shqipërinë (OSFA).

Moderatorja e këtij aktiviteti deputetja Majlinda Bregu në fjalën e saj hapëse u shpreh: ?Çelja e negociatave është shumë e rëndësishme për Shqipërinë. Mazhoranca do ta quante aarritje të saj për çuaren e procesit përpara. Nga ana e opozitës do të thosha se kjo të rriste dhe kontrollin drejt qeverisë. Kjo do të sillte edhe të mira për biznesin. Kjo është koha e duhur dhe shpresoj që do të shërbejë për të forcuar kapacitetet në drejtim të inegrimit europian. Hapja e negociatave do të thotë më shumë mundësi për më shumë punë në vend?.

I pranishëm në këtë aktivitet janë Kryetari i Kuvendit, Ilir Meta, kreu i Delegacionit të Bashkimit Europian në Shqipëri, znj. Romana Vlahutin, Ministrja e Integrimit Europian, Klajda Gjosha, Raporteri për Shqipërinë në Parlamentin Europian, Knut Fleckestein, Drejtori Ekzekutiv i Fondacionit Shoqëria e Hapur për Shqipërinë, Andi Dobrushi, Koordinator i Përhershëm i Kombeve të Bashkuara, Brian J Williams dhe Kryetari i Dhomës së Tregtisë dhe Industrisë, Nikolin Jaka.

Shkolla Verore, me raundin e pare qe do te synon të lehtësojë identifikimin e aktorëve të mundshëm të Ekipit Negociator për anëtarësimin e Shqipërisë në BE, si dhe të krijojë një grup ekspertësh me njohuri të thella mbi procesin e vendimmarrjes dhe anëtarësimit në BE, përmirësimin e koordinimit ndërinstitucional në nivel kombëtar, si dhe krijimin e rrjeteve efektive të bashkëpunimit.

Leksionet do të mbahen nga profesorë të Kolegjit i Europës (Bruges), ekspertë të nivelit të lartë kombëtar dhe ndërkombëtar për Integrimin Europian, si dhe nga përfaqësues të ftuar nga Kuvendi i Shqipërisë, Qeveria, dhe Bashkimi Europian, të cilët do të diskutojnë më pjesëmarrësit mbi procesin e Integrimit Europian të Shqipërisë. /Citynews.al

 





Lajmet e fundit nga